စစ်ကိုင်းတိုင်း၊ အိန္ဒိယ-မြန်မာနယ်စပ် တမူးမြို့တွင် ယနေ့အောက်တိုဘာ ၃၀ ရက် ညနေ ၃ နာရီကစပြီးတိုက်ပွဲဖြစ်ပွားရာ စစ်ကောင်စီရဲ့ ရမ်းသမ်းပစ်ခတ်မှုကြောင့် အောင်တော်မူကျောင်းမှ ဦးဇင်းတစ်ပါးနဲ့ ဈေးတန်း (၁၁) ရပ်ကွက်က အမျိုးသားတစ်ဦး ကျည်ထိဒဏ်ရာရရှိကြတယ်လို့သတင်းရရှိပါတယ်။
ဦးဇင်းလက်မှာ ကျည်ထိမှန်ဒဏ်ရာရရှိခဲ့ပြီး အရပ်သားအမျိုးသားတစ်ဦးမှာ ကျည်နှစ်ချက် ထိမှန်ခဲ့ရာ စိုးရိမ်ရတဲ့အတွက် တမူးပြည်သူ့ဆေးရုံမှ ကလေးမြို့ဆေးရုံသို့အရေးပေါ် ပို့ဆောင်ပေးခဲ့ကြရကြောင်း သိရှိရတယ်။
ပြည်သူ့ကာကွယ်ရေးပူးပေါင်းတပ်ဖွဲ့နဲ့ စစ်ကောင်စီကြားပစ်ခတ်ကြတာဖြစ်ပြီး စစ်ကောင်စီတပ်က လက်နက်ကြီး၊ လက်နက်ငယ်၊ စက်သေနတ်၊ RPGများနဲ့ ရပ်ကွက်အတွင်း မဲမဲမြင်ရာပစ်ခတ်ကြကြောင်းလည်းသိရတယ်။
ဒါပြင် စစ်ကောင်စီတပ်သားတွေက အောင်တော်မူဘုန်းကြီးကျောင်းအနီးရှိ ဘောလုံးကစားနေကြသည့် လူငယ်အချို့ကိုလဲ ဖမ်းဆီးထားပြီး ဒူးထောက်ခိုင်းပြီး ရိုက်နှက်စစ်ဆေးမှုများပြုလုပ်နေကြောင်း သိရတယ်။
