တရုတ်နိုင်ငံက ဆေးရုံများ ကိုဗစ်-၁၉ လူနားများနဲ့ ပြည့်နှက်နေ

အရေးပေါ်ကုသရေးဌာနတွင် ဆယ်စုနှစ် ၃ ခုကြာ အလုပ်လုပ်လာခဲ့သော ပေကျင်းမြို့အခြေစိုက် ဆရာဝန်တစ်ဦးဖြစ်တဲ့ ဟောဝပ်ဘန်းစတိုင်းရဲ့ ပြောကြားချက်အရ သူဟာ ဒီလိုအဖြစ်မျိုးကို တစ်ခါမှ မကြုံခဲ့ဖူးကြောင်း ပြောပါတယ်။

လူနာများဟာ ဆေးရုံကို အဆက်မပြတ်ရောက်လာနေကြပြီး အသက်ကြီးပိုင်းအများစုနှင့် လူနာအများစုဟာ ကိုဗစ်-၁၉ လက္ခဏာများကြောင့် နေမကောင်းတာဖြစ်ကြောင်း သူပြောပါတယ်။

ကိုဗစ်-၁၉ ဆိုင်ရာ ကန့်သတ်ချက်များနဲ့ပတ်သက်ပြီး ဒီလအတွင်းမှာပဲ နိုင်ငံတစ်ဝှမ်း ဆန္ဒပြမှုတွေဖြစ်ပေါ်ခဲ့ပြီးနောက် အစိုးရဟာ ကိုဗစ်-၁၉ ကန့်သတ်ချက်များကို ပြန်လည်ဖြေလျော့ပေးပြီးနောက် တရုတ်နိုင်ငံတစ်ဝှမ်း ဆေးရုံအလုပ်သမားများကလည်း ဆေးရုံများတွင် လူနာများပြည့်နှက်နေကြောင်း ပြောလာပါတယ်။

လွန်ခဲ့တဲ့ ၃ နှစ်ခန့်က ဝူဟန်တွင် ဗိုင်းရပ်စ်စတင် ပျံ့နှံ့ခဲ့ပြီးနောက်ပိုင်း ယခုဖြစ်ပွားနေသော ကူးစက်မှုဟာ အကြီးဆုံးဖြစ်ပါတယ်။ ပေကျင်းမြို့မှာတော့ အစိုးရဆေးရုံများနှင့် မီးသင်္ဂြိုဟ်ရာနေရာများဟာ ဒီလအတွင်းမှာပဲ အလုပ်များနေကြပါတယ်။

တရုတ်နိုင်ငံ တစ်နေရာမှာတော့ ဆေးရုံတွင် ဝန်ထမ်းများအကြား ဖျားနာမှုမြင့်တက်လာမှုကြောင့် လူသားအရင်းအမြစ် လိုအပ်မှုကလည်း အလွန်မြင့်တက်နေသောကြောင့် မဖြည့်ဆည်းနိုင်တော့သည့် အခြေအနေကို ရောက်နေပြီဖြစ်ကြောင်း ဆိုပါတယ်။ တစ်ချို့သော ကျန်းမာရေးဝန်ထမ်းများဟာ ကိုဗစ်-၁၉ ကူးစက်ခံရသော်လည်း အလုပ်ဆင်းနေရကြောင်း ဆိုပါတယ်။

ဆရာဝန်များ၏ ပြောကြားချက်အရ သူတို့ဟာ အသက်ကြီးပိုင်းများဟာ ကိုဗစ်-၁၉ ခံရပါက သေဆုံးနိုင်ခြေများသောကြောင့် ထောင်ပေါင်းများစွာသော အသက်ကြီးပိုင်းများအတွက် ပိုမိုစိုးရိမ်နေရကြောင်း ဆိုပါတယ်။

တရုတ်နိုင်ငံတွင် ကိုဗစ်-၁၉ ကြောင့် တစ်နေ့ကို လူပေါင်း ၅၀၀၀ ခန့် သေဆုံးနေကြောင်း Airfinity က ခန့်မှန်းထားပါတယ်။ သို့သော်လည်း ဒီခန့်မှန်းချက်ဟာ တရုတ်အစိုးရ၏ ထုတ်ပြန်ချက်နဲ့ အလွန်ကွာဟနေပါတယ်။