ခုတလော ချင်းပြည်နယ်တွင် ၃ ရက်ဆက်တိုက်မိုးရွာတာကြောင့် ဖလမ်း-ဟားခါးကြား ကားလမ်းပေါ် တောင်ကျချောင်းရေတွေ ရေကျော်လာတာကြောင့် ယာဉ်အသွားအလာတွေ ပိတ်မိနေတယ်လို့သတင်းရရှိပါတယ်။
တောင်ကျချောင်းရေကြောင့် ရေကျော်တဲ့နေရာကတော့ တားလ်ကျေးရွာ အကျော်တွင်ဖြစ်ပြီး မိုင်အားဖြင့် (၉၇)မိုင်မှာဖြစ်ပါတယ်။
ဖလမ်းမှ ဟားခါးသို့ လိုက်ပါလာတဲ့ ခရီးသည်တစ်ဦးက “ကျနော်တို့ကား စပိတ်တာက နေ့လည် ၂ နာရီကတည်းကပါ။ မိုးလည်းတအားရွာတော့ တောင်ကျချောင်းတွေက လမ်းပေါ်ရေကျော်လာတယ်။ ပြီးတော့ လမ်းပေါ်မှာ မြေစာတွေသယ်လာတော့ အဲ့ဒါကို စက်ကြီး ၃ စီးက အခုရှင်းပေးနေတယ်။ ရေကျော်တဲ့နေရာက ၂ နေရာမှာပါ။ ဖလမ်းဘက်ကနေ အတက်ကားဆို ၇ စီးလောက်ရှိတယ်။ ဆိုင်ကယ်တွေတော့များတယ်။ ကျနော်တို့လာတုန်းကတော့ အဆင်းကား ၂ စီးနဲ့တွေ့တယ်။ နည်းနည်းစောင့်လိုက်ရင် သွားနိုင်မယ့်ပုံပဲ” လို့ပြောပါတယ်။
အခု ညနေ ၂ နာရီ ၅၁ မိနစ် အထိ ကားတွေဆက်သွားလို့မရသေးဘူးလို့ ခရီးသည်တစ်ဦးထံကနေ သတင်းရရှိပါတယ်။
