ဖလမ်းမြို့သိမ်းဖို့ အေအေ တပ်ဖွဲ့ဝင်တွေ ဖလမ်းနယ်ထဲရောက်နေတယ်ဆိုတာ သတင်းမှားသာ ဖြစ်ဟု CNO/CNDFဆို

၁၇၊ဇူလိုင်လ၊၂၀၂၄

Zalen

ချင်းပြည်နယ်၊ ဖလမ်းမြို့ကိုသိမ်းပိုက်ဖို့ အာရက္ခတပ်တော် AA တပ်ဖွဲ့ဝင်များဟာ ဖလမ်းမြို့နယ်ထဲကိုရောက်ရှိ နေပြီလို့ ယခုရက်ပိုင်းအွန်လိုင်းပေါ်မှာ ပျံ့နှံ့နေတာဟာ သတင်းမှားသာဖြစ်တယ်လို့ CNO/CNDF ထံက သိရပါတယ်။

“ဒါကတော့ ကျွန်တော်တို့ရဲ့ စစ်ဆင်ရေးပြင်ဆင်မှုအပေါ်မှာတမင်သက်သက် အခြေအမြစ်မရှိဘဲနဲ့ စွပ်စွဲတာ ဘဲဖြစ်ပါတယ်။ပြည်သူတွေအနေနဲ့လည်းဘာမှ စိုးရိမ်စရာမရှိပါဘူး။ သက်သက် ဝါဒဖြန့်ကြတာပဲဖြစ်တယ်။ သိမ်းမယ်ဆိုလည်း ကျွန်တော် တို့ပဲသိမ်းမှာပါ။”လို့ CNO/CNDF ပြောခွင့်ရ Salai Timmy က Zalen ကိုပြော ကြားခဲ့တာပါ။

မနေ့ ဇူလိုင်လ ၁၆ ရက်မနက်ပိုင်းလောက်ကနေ စပြီး Facebook လူမှုကွန်ယက်စာမျက်နှာ ပေါ်မှာ သီးသန့် အကောင့်ဖြင့်ဖြစ်စေ Group နဲ့ Pages တို့ကနေ ဖလမ်းမြို့ကို သိမ်းဖို့ အာရက္ခတပ်တော် AA တပ်ဖွဲ့ဝင်များဟာ ဖလမ်းမြို့၊ လုံပီးနဲ့ ဆူရ်ဘုံလေဆိပ်တို့ကိုရောက်ရှိနေကြပြီလို့ သတင်းမှား ပျံ့နှံ့လာခဲ့တာဖြစ်ပါတယ်။

ဒါ့ပြင် ရိခေါ်ဒါရ်မြို့ဘက်ပါ အေအေတွေသွားနေကြပြီဆိုတဲ့ သတင်းမှားတွေ ဖြန့်နေကြတာတွေ့ရပါတယ်။

အာရက္ခတပ်တော် AA ဟာ ချင်းညီနောင်များနဲ့ ပူးပေါင်းပြီး ချင်းပြည်နယ်၊ ကန်ပက်လက်မြို့နယ် ကျင်ဒွေးမြို့ ကို သိမ်းပိုက်ခဲ့သလို မတူပီမြို့ကိုလည်း သိမ်းပိုက်ခဲ့တာဖြစ်ပါတယ်။

သတင်း – Mickey

နောက်ဆုံးရသတင်းများ

ပလက်ဝမြို့နယ် အေအေရဲ့ အုပ်ချုပ်မှုအောက်က ထိတ်လန့်ဖွယ် မုဒိမ်းမှုနဲ့ သတ်ဖြတ်မှုများ

အယိုက်လင်း အာရက္ခတပ်တော် (အေအေ) ထိန်းချုပ်ထားတဲ့ ချင်းပြည်နယ်၊ ပလက်ဝမြို့နယ်မှာ ရှစ်လအတွင်း အမျိုးသမီး လေးဦးဟာ အဓမ္မပြုကျင့်ခံရပြီး အမျိုးသမီး နှစ်ဦးမှာ သတ်ဖြတ်တာခံရပါတယ်။ ဒါဟာ ပလက်ဝမြို့နယ်ကို အေအေ ထိန်းချုပ်ထားပြီးနောက် အမျိုးသမီးတွေ ဆက်တိုက် အဓမ္မပြုကျင့်မှုကျူးလွန်ခံရတာဖြစ်ပါတယ်။ ...

ဆက်ဖတ်ရန်