မတူပီမြို့နယ် တိန်ဆီးရွာနဲ့ ရာဆောရွာမှာ ဒီနေ့ညနေ (၃)နာရီခန့်မှာ မိုးကြိုးပစ်လို့ ကလေးနှစ်ဦးသေဆုံးပြီး လေးဦးဒဏ်ရာရရှိတယ်လို့သတင်းရရှိပါတယ်။
တိန်ဆီးရွာမှာ သေဆုံးသွားတဲ့ ကလေးကတော့ (၇)တန်းကျောင်းသား ဆလိုင်းဗန်ဇထန်ဖြစ်ပြီး ဒဏ်ရာရရှိသူ လေးဦးကတော့ နှစ်တန်းကနေ ခြောက်တန်းအရွယ်ကလေးတွေဖြစ်ပါတယ်။ တိန်ဆီးရွာနားက ရာဆောရွာမှာလည်း တစ်ဦးသေဆုံးသွားပါတယ်။
ဖြစ်စဉ်က ညနေပိုင်း ကလေးတွေကျောင်းရှေ့ဘောလုံးကွင်းမှာကစားတဲ့ချိန်မိုးရွာလာလို့ ကျောင်းဗာရမ်တာမှာမိုးခိုရင် ကျောင်းရှေ့အလံတိုင်နားက ဘောလုံးကို ဆလိုင်းဗန်ဇထန်က သွားကောက်တဲ့ချိန်မှာ မိုးကြိုးပစ်ခံရတာဖြစ်ပါတယ်။ ဒဏ်ရာရရှိတဲ့သူတွေကတော့ လက်ရှိ တိန်ဆီးကျေးလက်ကျန်းမာရေးဌာနမှာ ဆေးကုသလျက်ရှိပြီး မစိုးရိမ်ရအခြေအနေဖြစ်ပါတယ်။
