၂၁၊ ဇူလိုင်၊ ၂၀၂၅
Zalen
အိန္ဒိယနိုင်ငံ၊ မီဇိုရမ်ပြည်နယ်၊ ဆိုက်ဟားခရိုင်၊ Tipa ရွာမှာ ဇူလိုင် ၁၇ ရက်နေ့က မရာကာကွယ်ရေးတပ်ဖွဲ့ MDF ရဲ့ ဒုတိယ ဥက္ကဋ္ဌကို စစ်ဘက်ဆိုင်ရာ ပစ္စည်းတွေနဲ့အတူ အိန္ဒိယအာသံတပ်နဲ့ မီဇိုရမ် ရဲတပ်ဖွဲ့တို့က ဖမ်းဆီးခဲ့တယ်လို့ သိရပါတယ်။
MDF ရဲ့ ဒု ဥက္ကဋ္ဌက NB Sila ၊ Tipa ရွာသားဖြစ်တဲ့ အသက် ၂၀ အရွယ် B Songa နဲ့ ဆိုက်ဟားမြို့ခံ Pu FC Laicho တို့ကို ဖမ်းဆီးခဲ့တာလို့ ဒေသအခြေစိုက် သတင်းတွေက ဆိုပါတယ်။
” ဒီဘက်က နှစ်ဦးနဲ့ MDF ရဲ့ ဒု ဥက္ကဋ္ဌ နဲ့ဆို သုံးဦးပေါ့၊ အဖမ်းခံရတာ။ ကားကို တားပြီး ဖမ်းတယ်တာ၊လက်နက်တွေဘာတွေတော့ မပါဘူး။ ကျည်ကာဦးထုတ်တို့ အင်္ကျီတွေပဲ ပါတာ။ ” လို့ ဒေသခံတစ်ဦးက ပြောပါတယ်။
ကားပေါ်မှာ ကျည်ကာအင်္ကျီတွေ၊ ကျည်ကာဦးထုပ်တွေ နဲ့ ခဲယမ်းတချို့ကို သိမ်းဆည်းရမိခဲ့တာလို့ သိရပါတယ်။
သတင်းပေးတိုင်တန်းမှုကြောင့် အခုလို ဖမ်းဆီးခံရတာ ဖြစ်နိုင်တယ်လို့ ဒေသခံတွေက ပြောပါတယ်။
Rosy
