၂၃၊ဇွန်၊၂၀၂၄
Zalen
စစ်ကိုင်းတိုင်း၊ကလေးမြို့နယ်အနောက်မြောက်ပိုင်းမှာ စစ်ကောင်စီပစ်ခတ်တဲ့လက်နက်ကြီးကျရောက်ပေါက်ကွဲမှုကြောင့် အရပ်သား ၁ဦးသေဆုံးပြီး ၅ဦးဒဏ်ရာရတယ်လို့သိရပါတယ်။
ယမန်နေ့ ဇွန်လ ၂၂ရက်နေ့မှာ ကလေးမြို့နယ်အနောက်မြောက်ပိုင်းမှာ ကာကွယ်ရေးတပ်နဲ့ စစ်ကောင်စီတပ်တို့တိုက်ပွဲဖြစ်ပွါးခဲ့ပြီး စစ်ကောင်စီတပ်က ကျေးရွာများကိုလည်း လက်နက်ကြီးပစ်ခတ်ခဲ့ပြီး မောက်လင်းရွာမှတစ်ဦးသေဆုံးကာ လက်ပံချောင်းရွာမှ ၅ဦးထိခိုက်ဒဏ်ရာရရှိခဲ့ပါတယ်။
“လက်နက်ကြီးကမောက်လင်းရွာနဲ့လက်ပံချောင်းမှာကျတာ။ဆုံးသွားတာကတော့ ဆေးရုံရောက်မှဆုံးသွားတာပါ။ဒဏ်ရာရ ၅ယောက်ထဲမှာ တယောက်ကတော့စိုးရိမ်ရတယ်”လို့ ဒေသခံတစ်ဦးကပြောပါတယ်။
စစ်ကောင်စီပစ်ခတ်တဲ့လက်နက်ကြီးကျရောက်ပေါက်ကွဲမှုကြောင့် ကလေးနယ်အနောက်မြောက်ပိုင်းမှာအရပ်သားသေဆုံးသူမှု ၁၅ဦးထက်မနည်းရှိတယ်လို့ဒေသခံများထံကသိရပါတယ်။
HAK
