===================
၂၈ ၊ ဇူလိုင် ၊ ၂၀၂၄
Zalen
သြစတြေးလျနိုင်ငံ၊ United Matu Baptist Church ( UMBC) အသင်းတော်က မတူပီမြို့နယ်စစ်ဘေးရှောင်ပြည်သူများအတွက်လိုအပ်တဲ့ စားနပ်ရိက္ခာများလှူဒါန်းပေးတယ်လို့စစ်ဘေးရှောင်တွေထံမှသိရပါတယ်။
UMBC မှ မတူပီမြို့နယ် ၊လာလွီးရွာမှ စစ်ဘေးရှောင်နေတဲ့ ပြည်သူများအတွက် ကျပ်သိန်း ၆၀ လှူဒါန်းထားပြီး ဇူလိုင် ၂၈ ရက်နေ့တွင် စစ်ဘေးရှောင် အိမ်ထောင်စုအလိုက် စားဆီ၊ ဆပ်ပြာတောင့် ၊ ဆန်၊ ဆား နဲ့ ငွေသားအားဖြင့် အရပ်ဖက်အုပ်ချုပ်ရေးအဖွဲ့မှ မျှဝေပေးကြတယ်လို့သိရပါတယ်။
” ကျွန်တော်တို့ လာလွီးရွာမှာက မြို့ပေါ်နဲ့ ဝလံပီး ၊ ကလား ၊ ဝလံတဲ ၊ လေဆင်းရွာက စစ်ဘေးရှောင်တွေရှိပါတယ်။ အခုလှူဒါန်းတာလည်း ဆီ၊ ဆား ၊ ဆန် နဲ့ အိမ်ထောင်စုအလိုက်ငွေသားနဲ့ပေးကြပါတယ်”လို့ စစ်ဘေးရှောင်ပြည်သူ တစ်ဦးက ပြောပါတယ်။
မတူပီမြို့နယ် လာလွီးကျေးရွာတွင် စစ်ဘေးရှောင် အိမ်ထောင်စုပေါင်း ၅၀ ကျော်ရှိနေပြီး လူဦးရေ ၃၀၀ ကျော် လာရောက်ခိုလှုံစစ်ဘေးရှောင်နေကြတယ်လို့သိရပါတယ်။
သတင်း-သမိုင်းသစ်
