ချောင်းရေလျံလို့ မြောင်းဆုံရွာအိမ်(၂၀)နဲ့လယ်ကွင်းအနည်းငယ်ရေလွမ်း

ကလေးမြို့နယ် အနောက်တောင်ဘက်ရှိ မြောင်းဆုံကျေးရွာမှာ ချောင်းရေလျံလို့ လူနေအိမ်(၂၀)နဲ့ လယ်ကွင်းအနည်းငယ်ရေလွမ်းတယ်လို့ ကျေးရွာအုပ်ချုပ်ရေးမှူးထံမှသတင်းရရှိတယ်။

ရွှာအရှေ့ဘက်ကခာျင်းရေဟာ ဇူလိုင်လ(၂၁)ရက်နံနက်ပိုင်းက အိမ်နဲ့လမ်းမတွေပေါ်စတင်ရေလျံလာပြီး ဇူလိုင်(၂၂)ရက် ညနေ (၅)နာရီတွင်ရေကျသွားတယ်လို့ ဆိုပါတယ်။

မြောင်းဆုံကျေးရွာအုပ်ချုပ်ရေးမှူး U Ral Lian Mang(ဦးရာလ်လျန်မန်)က “အခုတော့ ရေပြန်ကျသွားပြီ။ ဒါပေမယ့် လမ်းမပေါ်မှာ ရွံ့ဗွက်တွေတော့ကျန်သေးတယ်။ ရေလွမ်းတဲ့ လယ်ကွင်းက နှစ်ဧကလောက်ရှိမယ်။ ရွံ့ရေတွေကအနည်ကျတော့ လယ်ကွင်းနဲ့ကမ်သင်းက ညီသွားတယ်။ ဒါကြောင့် လယ်ကွင်းထဲမှာရေသွင်းလို့ရတော့မှာ မဟုတ်ဘူး”လို့ပြောပါတယ်။