မြန်မာနိုင်ငံလုံးဆိုင်ရာ အရှိုချင်းတက္ကသိုလ်ကျောင်းသားများအသင်းကို ဇွန်(၁၇)ရက်မှာ မကွေးမြို့တွင်ကျင်းပတဲ့ မြန်မာနိုင်ငံလုံးဆိုင်ရာ အရှိုချင်းတက္ကသိုလ်ကျောင်းသား၊သူများတွေ့ဆုံပွဲပြုလုပ်ဖို့ကြိုတင်ညှိုနှိုင်းအစည်းအဝေးမှာ စတင်ဖွဲ့စည်းပါတယ်။
ဒီအစည်းအဝေးကို တိုင်းနဲ့ပြည်နယ်က အရှိုချင်းတက္ကသိုလ်ကျောင်းသား၊သူ စုစုပေါင်း(၄၀)တက်ရောက်ပါတယ်။
“ကျနော်တို့ အရှိုကျောင်းသားအဖွဲ့ကမရှိဘူး။ အရင်တုန်းက AYO(အရှိုလူငယ်အစည်းအရုံး)ဆိုပြီးတော့ မကွေးတက္ကသိုလ်ရယ်၊ ပြည်တက္ကသိုလ်မှာပဲရှိတယ်။ အခုတော့ တနိုင်ငံလုံးမှာ အရှိုတွေရှိတဲ့ တိုင်း ငါးခုရယ် ပြည်နယ်တစ်ခုရယ် အားလုံးပေါင်းပြီးတော့ AUSA(အရှိုချင်းတက္ကသိုလ်ကျောင်းသားများအသင်း) က မနေ့ကမှဖြစ်သွားတာ။ အရင်တုန်းက တစ်ခုခုလုပ်ဖို့တွက် အချိတ်အဆက်မရှိဘူး။ အဲ့ဒါကြောင့် ခုနောက်ပိုင်ချင်းပြည်နယ်ကချင်းကျောင်းသားတွေ့ဆုံပွဲတွေလုပ်တယ်။ ကျနော်တို့မှာလည်း AYO ဘဲရှိတာ။ ခုတော့ ဒီလို အဖွဲ့ ဖွဲ့စည်းလိုက်တာကြောင့် ကျောင်းသားချင်းချင်းအလုပ်လုပ်တဲ့ချိန်မှာပိုလွယ်သွားမယ်”လို့ အရှိုချင်းလူငယ်အစည်းအရုံး(မကွေး)မှ ဆလိုင်းရိုးမောင်ကဆိုပါတယ်။
