အမေရိကန်တွင် မာစတာဘွဲ့တက်ရောက်ရန် Fulbright ပညာသင်ဆု လျှောက်လွှာများ စတင်ခေါ်ယူ

မတ် ၁၈၊ ၂၀၂၆
Zalen

အမေရိကန်မှာ မာစတာဘွဲ့ (Master’s Degree) တက်ရောက်လိုတဲ့ မြန်မာကျောင်းသားတွေအတွက် Fulbright Foreign Student Program (2027-2028) ပညာသင်ဆု လျှောက်လွှာတွေကို အမေရိကန်သံရုံးက စတင်ခေါ်ယူနေပြီ ဖြစ်ပါတယ်။

ဒီပညာသင်ဆုဟာ အမေရိကန်အစိုးရရဲ့ အထင်ကရ ပညာသင်ဆုတစ်ခုဖြစ်ပြီး သတ်မှတ်ထားတဲ့ ဘာသာရပ်တစ်ခုတည်းမဟုတ်ဘဲ နယ်ပယ်စုံက ကျောင်းသားတွေ လျှောက်ထားနိုင်ပါတယ်။

နိုင်ငံရေးသိပ္ပံ၊ လူမှုဗေဒ၊ စိတ်ပညာ၊ သမိုင်းလို လူမှုသိပ္ပံနဲ့ ဝိဇ္ဇာဘာသာရပ်တွေ၊ စီးပွားရေးနှင့် စီမံခန့်ခွဲမှုနဲ့ ပညာရေးနဲ့ မူဝါဒရေးရာ (Public Policy၊ Education Management)၊ သိပ္ပံနဲ့ နည်းပညာ (STEM) အိုင်တီ၊ အင်ဂျင်နီယာ၊ ပတ်ဝန်းကျင်ဆိုင်ရာသိပ္ပံ၊ ဥပဒေနဲ့ လူ့အခွင့်အရေး စတဲ့ ဘာသာရပ်တွေအတွက် ခေါ်ယူနေတာပါ။

Zalen ad

ရွေးချယ်ခံရတဲ့ ကျောင်းသားတွေအတွက် တက္ကသိုလ်ကျောင်းလခ အပြည့်အဝ၊ နေထိုင်စရိတ်နဲ့ လစဉ်ထောက်ပံ့ကြေး၊ အသွားအပြန် လေယာဉ်လက်မှတ်ကျန်းမာရေးအာမခံ စတာတွေကို အကုန်အကျခံ ထောက်ပံ့ပေးသွားမှာ ဖြစ်ပါတယ်။

ပညာသင်ဆုကို လျှောက်ထားဖို့အတွက် လျှောက်ထားသူဟာ ဘွဲ့တခုခု ရရှိထားသူဖြစ်ရပါမယ်။

၂၀၂၆ ခုနှစ်၊ မေလ ၁ ရက်၊ မြန်မာစံတော်ချိန် ည ၁၁:၅၉ နာရီ နောက်ဆုံးထားပြီး လျှောက်ထားရမှာ ဖြစ်ပါတယ်။

အသေးစိတ်အချက်အလက်နှင့် လျှောက်ထားရန် Link: https://mm.usembassy.gov/fulbright-foreign-student-scholarship/

Helen

ဓာတ်ပုံ- U.S. Embassy Rangoon

#U.S. EmbassyRangoon#Fulbrightပညာသင်ဆု#လျှောက်လွှာခေါ်#Zalen

နောက်ဆုံးရသတင်းများ

EV ကားများအပေါ် ကောက်ခံမည့် ၅ ရာခိုင်နှုန်းအခွန်မှာ အထူးကုန်စည်ခွန်တမျိုးတည်းသာ ဖြစ်ကြောင်း ၂၀၂၆ အခွန်ဥပဒေသစ်မှာ အတည်ပြု

မတ် ၁၈၊ ၂၀၂၆ Zalen ၂၀၂၆ ခုနှစ်၊ ပြည်ထောင်စုရဲ့ အခွန်အကောက်ဥပဒေ ထွက်ပေါ်လာပြီးနောက် လျှပ်စစ်ကား (EV) တွေပေါ် အခွန် ၅ ရာခိုင်နှုန်း ကောက်ခံမည်ဆိုတဲ့ သတင်းနဲ့ပတ်သက်၍ အများပြည်သူအကြား ရောထွေးမှုတွေ ရှိနေပါတယ်။ ...

ဆက်ဖတ်ရန်