ကလေးကဘော်အခြေစိုက် CNO/CNDF-UCR အဖွဲ့ တရားစီရင်ရေးဌာနက ဇွန်လအတွင်း အမှု ၁၄ မှု ကိုစီရင်ချက်ချမှတ်နိုင်ခဲ့တယ်လို့ CNO/CNDF-UCRက သတင်းထုတ်ပြန်ထားပါတယ်။
၎င်းတို့ဖော်ပြချက်အရ အမှု ၁၀ မှုမှာ မူးယစ်ဆေးဝါးမှုဖြစ်ပြီး သုံးစွဲမှု ၅ မှုကို ထောင်ဒဏ် ၃ လမှ ၂ လအထိအမိန့်ချမှတ်ခဲ့ပါတယ်။ မူးယစ်ဆေးဝါးရောင်းချမှု ၅ မှုကိုတော့ အများဆုံးထောင်ဒဏ် ၅ လမှ ၂လအထိအပြင် ဒဏ်ငွေ သိန်း ၅၀မှ ၃ သိန်းအထိ အမိန့်ချမှတ်ခဲ့ပါတယ်။
အခြားအမှု ၄မှုမှာ လယ်မြေအငြင်းပွားမှုတွေဖြစ်ပြီး ၎င်းအမှုများကို ချင်းအက်ဥပဒေဖြင့် ပြေလည်အောင်ဖြေရှင်းပေးခဲ့ကြပါတယ်။
ဖမ်းမိထားတဲ့ မူးယစ်ဆေးဝါး ဆပ်ပြာဗူး ၁၇ ဗူးကိုလည်း မီးရှို့ဖျက်ဆီးသွားပြီလို့သိရတယ်။
အခုလို ထောင်ဒဏ်အနည်းငယ်သာချမှတ်ခြင်းနဲ့ပတ်သက်ပြီး တရားစီရင်ရေးဌာနတာဝန်ခံတစ်ဦးက “
နယ်မြေလုံခြုံရေးအရ အချိန်ကြာထိန်းသိမ်းလို့အဆင်မပြေတာကြောင့်” လို့ပြောပါတယ်။
ကျန်ရှိနေတဲ့ အမှုများကိုလည်း အမြန်ဆုံးစီရင်ချက်ချကာ အများပြည်သူသိအောင် ဖော်ပြပေးပါမယ်လို့ဆက်လက်ဖော်ပြထားပါတယ်။
