ကလေးမြို့နယ်အတွင်းရှိ အသင်းတော်ပေါင်းစုံပါဝင်သော ကလေးနယ်အသင်းတော်များကော်စီ(KCC)ကဦးဆောင်ပြီး သမ္မကျမ်းစာနေ့မှာ (၁၃)ကြိမ်မြောက်လူငယ်သံစုံသီချင်းဆိုပြိုင်ပွဲကျင်းပမှာဖြစ်ပါတယ်။
သြဂုတ်လ(၁၉)ရက် ညနေ(၂)နာရီမှာ ကလေးမြို့ စတောမ်(Satawm)ရပ်ကွက်ရှိ ကာစင်နှစ်ခြင်းဘုရားကျောင်းမှာပြိုင်ပွဲကျင်းပမယ်။
KCC လူငယ်ဌာနမှာ အဖွဲ့ဝင်(၂၀)ကျော်ရှိပြီး ပြိုင်ပွဲကို အဖွဲ့ A,B,C,D,E,F ဆိုပြီးခွဲမှာဖြစ်ပါတယ်။ သီချင်းတစ်ပုဒ်ကို performance နဲ့တွဲပြီးယှဉ်ပြိုင်ကြမှာဖြစ်ပါတယ်။ ပထမဆုကြေးအတွက် တစ်သိန်း၊ ဒုတိယဆုကြေး ခုနစ်သောင်း၊ တတိယဆုကြေး ငါးသောင်းနဲ့ ပြိုင်ပွဲဝင်တဲ့အဖွဲ့အားလုံးကို တစ်သောင်းစီဆုချီးမြှင့်သွားမှာဖြစ်ပါတယ်။
