Ruby Mark မီးလောင်မှုတွင် ချင်းတိုင်းရင်းသူပိုင် ချင်းအထည်ဆိုင်လည်း မီးလောင်ပြာကျ

ရန်ကုန်၊ ကျောက်တံတားမြို့နယ် ဗိုလ်ချုပ်လမ်းနဲ့ ပန်းဆိုးတန်းလမ်းထောင့်က ဧပြီ ၁ ရက်ည ၁နာရီခန့်က Ruby Mark ဈေးကုန်တိုက်မီးလောင်မှုတွင် ချင်းတိုင်းရင်းသူ မနွမ်နွမ်ရဲ့ မနွမ်ချင်းအထည်ဆိုင်လည်း မီးလောင်ပြာကျသွားတယ်လို့သတင်းရရှိပါတယ်။

မနွမ်ချင်းအထည်ဆိုင်ဟာ Ruby Mark တွင် ၂၀၁၈ ခုနှစ် အောက်တိုဘာလ ၁၀ ရက်တွင်စတင်ဖွင့်လှစ်ပါတယ်။
ဆုံးရှုံးမှုတန်ဖိုးကတော့ ကျပ်သိန်း ၄၀၀ မှ ၅၀၀ ကြားရှိတယ်လို့ပြောပါတယ်။

မနွမ်နွမ်က “မနေ့က မီးလောင်တဲ့နေရာကိုသွားကြည့်ကြတယ်။ ဘာမှ ရစရာမရှိတော့ဘူး။ လျော်ကြေးရဖို့တော့ သိပ်မျှော်လင့်စရာရှိဟန်မတူဘူး။ ကျမဆိုင်က ၄ လွှာမှာ။ မီး‌စလောင်တာက ၂ လွှာကစတာ။ အောက်ဆုံးကတော့ ပြန်ယူသုံးလို့ရတဲ့ဟာလည်းရှိတယ်။ ဒီတော်လှန်ရေးမှာ သူများတွေ အသက်တွေပေးဆပ်နေတဲ့ချိန်မှာ ကျမတို့က ပစည်းတွေပေးဆပ်ရတယ်လို့ဘဲယူဆတယ်။ ဘုရားသခင်က အကောင်းဆုံးနဲ့ ပြန်လည်လမ်းပြပို့ဆောင်မယ်လို့ပဲယုံကြည်တယ်” လို့ပြောပါတယ်။

ဈေးကုန်တိုက်မီးမလောင်ခင် မတ် ၃၁ ရက်နေ့ ညနေ ၃ နာရီထိ ဆိုင်ဖွင့်ထားပြီး နေ့ ရော ညပါ လုံခြုံရေးချထားတာလည်းကှိပါတယ်။
Ruby Mark ဈေးဝယ်ကုန်တိုက်ဟာ စစ်တပ်ပိုင်ဖြစ်ပြီး ယင်းညတွင် စစ်တပ်ပိုင် ကုန်တိုက် ၂ ခုမီးလောင်သွားပါတယ်။

နောက်ဆုံးရသတင်းများ

မလေးရှားမှာ ဖမ်းဆီးခံရတဲ့ မြန်မာဒုက္ခသည်တွေ နှိပ်စက်ညှဥ်းပန်းခံရကြောင်း Fortify Rights ပြော

ဇွန် ၂၁၊ ၂၀၂၅။ Zalen မလေးရှားနိုင်ငံမှာ ဖမ်းဆီးခံရတဲ့ မြန်မာဒုက္ခသည်တွေကို အာဏာပိုင်တွေက နှိပ်စက်ညှဥ်းပန်း အကြမ်းဖက်ခံနေရတယ်လို့ လူ့အခွင့်ရေးအဖွဲ့ဖြစ်တဲ့ Fortify Rights က ဇွန်လ ၁၈ ရက်နေ့က အစီရင်ခံစာ ထုတ်ပြန်ထားပါတယ်။ ဖမ်းဆီးထိန်းသိမ်းခံထားရတဲ့ ...

ဆက်ဖတ်ရန်