၉၊ ဩဂုတ်၊ ၂၀၂၄
Zalen
စစ်ကိုင်းတိုင်း၊ ကလေးမြို့၊ နေပြည်တော်ရပ်ကွက်မှာ စစ်သား၀တ်စုံ၀တ်ထားတဲ့ ပျူစောထီးတွေက နေအိမ်တွေကို ၀င်ရောက်ပြီး ခြိမ်းခြောက်ငွေတောင်းရမ်းနေတယ်လို့ ဒေသခံတွေက ပြောပါတယ်။
ဩဂုတ်လ ဆန်းပိုင်းကစပြီး ပျူစောထီးတွေက နေပြည်တော်ရပ်ကွက်ရှိနေအိမ်တွေကို ၀င်ရောက် စစ်ဆေးပြီး တစ်အိမ်ကို ၁၀ သိန်း စီ တောင်းရမ်းနေတယ်လို့ သိရပါတယ်။
” ၀န်ထမ်းအိမ်ယာနားမှာ ပျူစောထီး ခြောက်ယောက်ရှိတယ်။ သူတို့က နေ့လည်ပိုင်းလောက်စပြီး ရပ်ကွက်ထဲ နေအိမ်တွေကို ၀င် စစ်၊ ၀င်မွှေပြီး ပိုက်ဆံတောင်းနေတာ၊ ဖြတ်သွားဖြတ်လာ ဆိုင်ကယ်တွေကိုလည်း စစ်တယ်။ ကလေးကို ကျောင်းကြိုဖို့တောင် မသွားရဲအောင် ဖြစ်နေပြီ။ ” လို့ ဒေသခံတစ်ဦး က ပြောပါတယ်။
ဒါ့အပြင် လမ်းသွားလမ်းလာတွေကိုလည်း ဖုန်းတွေ စစ်ဆေးသလို ငွေတောင်းတာ၊ ရိုက်နှက်တာတွေ လုပ်နေတယ်လို့ ဆိုပါတယ်။
ဩဂုတ်လ ၈ရက်နေ့မှာ နေပြည်နယ် ရပ်ကွက်အတွင်းက နေအိမ် ငါးအိမ်လောက်ကနေ ပိုက်ဆံတွေတောင်းယူခဲ့တယ်လို့ ဒေသခံတွေက ပြောပါတယ်။
သတင်း-Helen
