ကလေးမြို့ စိန် တည်းခိုခန်း မန်နေဂျာ ဦးစံဌေးကို ဓားနဲ့ထိုးသတ်ပြီး ဆိုင်ကယ်နဲ့ ဆွဲကြိုးလုယူထွက်ပြေးသူ ဦးသိန်းထိုက်ဝင်း (၄၂နှစ်)အား တမူးမြို့တွင် ဇန်နဝါရီ (၁၄)ရက်တွင် ဖမ်းမိသွားပြီလို့သတင်းရရှိပါတယ်။
ဖြစ်စဉ်မှာ ဦးသိန်းထိုက်ဝင်းဟာ လုယူသွားတဲ့ ရွှေဆွဲကြိုးကို တမူးမြို့ ဈေးတန်း (၅) တရားဝင်အပေါင်ဆိုင်၌ သွားရောက်ပေါင်နှံကြောင်းသတင်းရရှိသဖြင့် ဈေးတန်းအုပ်ချုပ်ရေးအဖွဲ့နှင့်စန္ဒာကူးအုပ်ချုပ်ရေးအဖွဲ့များ မြို့မရဲတပ်ဖွဲ့များနှင့် ကလေးမြို့ ရဲတပ်ဖွဲ့များ ပူးပေါင်းကာ ၎င်းနေထိုင်ရာ စန္ဒားကူးရပ်ကွက်တွင်သွားရောက်ဖမ်းဆီးခဲ့ခြင်းဖြစ်ပါတယ်။
ကိုသိန်းထိုက်ဝင်းဟာ စိန်တည်းခိုခန်းတွင် တည်းခိုလာတာ တစ်လခန့်ရှိပြီး တည်းခိုခန်းခပေးဖို့ ပိုက်ဆံရစရာရှိ၍ သွားယူဖို့ မန်နေဂျာကိုအကူအညီတောင်းရာမှ မန်နေဂျာကို ဇန်နဝါရီလ (၁၀) ည (၈)နာရီခန့်တွင် ကလေးမြို့နယ် အိတ်စွတ်ကျေးရွာနဲ့ သင်္ဘောပင်ကွင်းကျေးရွာကြား လမ်းမဘေးတွင်ထိုးသတ်ပြီးထွက်ပြေးသွားတာဖြစ်ပါတယ်။
တည်းခိုခန်းခ မပေးနိုင်သောကြောင့် မန်နေဂျာ အား ဓားဖြင့်ထိုးသတ်
ကိုသိန်းထိုက်ဝင်းဟာ ၂၀၁၃ ခုနှစ်က ကလေးမြို့ သစ်တောရုံးက တောခေါင်းတစ်ယောက်ကိုသတ်ခဲ့တာကြောင့် ထောင်ချခံရပြီး မကြာသေးခင်က ထောင်မှလွတ်မြောက်လာတာဖြစ်ပါတယ်။
