ကျေးရွာကိုမီးရှို့ပြီးနောက် လှေမှောက်သေဆုံးသွားတဲ့ စစ်ကောင်းစီအလောင်း ၃ လောင်း တွေ့ရှိ

မတ္တရာမြို့နယ်ရှိ ညောင်မြစ်အတွင်း လှေမှောက်ပြီး ပျောက်ဆုံးသွားတဲ့ အာဏာသိမ်းစစ်ကောင်စီတပ်ဖွဲ့ဝင် ၆ ယောက်ထဲမှာ ၃ ယောက်ရဲ့အလောင်းကို ပုတ်ပွပြီးပေါ်လာတယ်လို့ သိရပါတယ်။

မန္တလေးတိုင်း ၊ မတ္တရာမြို့နယ်၊ မြွေပုံကန်ရွာ အရှေ့ဘက်ရှိ ညောင်မြစ်ကို မေ ၇ ရက်နေ့ မနက်အစောပိုင်း ၂ နာရီခန့်က စစ်ကောင်စီတပ်သား ၇ ဦးက လှေနဲ့ ဖြတ်ကူးချိန် လှေမှောက်ပြီး ၆ ဦး ရေနစ်သေဆုံးခဲ့တာကနေ မေလ ၈ ရက်၊ မနက်က စစ်ကောင်စီတပ်သား ၃ ယောက်ရဲ့အလောင်းပေါ်လာတာလို့ တောကြီးမြွေပွေးတော်လှန်ရေးအဖွဲ့ဆီက သိရတာပါ။

အဆိုပါ စစ်ကောင်စီတပ်သားတွေဟာ ပြီးခဲ့တဲ့ မေ ၄ ရက်နေ့က စဉ့်ကူးမြို့နယ်၊ ကြက်တူရွေးကျေးရွာက နေအိမ်တွေကို မီးရှို့ ဖျက်ဆီးခဲ့ပြီးနောက် ကြက်တူးရွေးကျေးရွာနဲ့ သဲအင်းကျေးရွာမှာ နှစ်ဖွဲ့ခွဲ နေခဲ့တာလို့ ဆိုပါတယ်။

အဲဒီနောက် ကြက်တူးရွေးကျေးရွာကနေ မတ္တရာမြို့နယ်ကို ညတွင်းချင်း ခြေလျင် စစ်ကြောင်းထိုးသွားခဲ့ပြီး မေလ ၇ ရက်နေ့ မနက်ပိုင်းမိုးမလင်းခင်က အဆိုပါညောင်မြစ်ကိုဖြတ်ကူးကာ တိတ်တဆိတ်ပြန်လာချိန် လှေမှောက်သေဆုံးတာလို့ သိရပါတယ်။

ညောင်မြစ်အတွင်း ရေနစ်သေသွားတဲ့ စစ်ကောင်စီတပ်သား ၆ ဦးထဲက ၃ ဦးရဲ့ အလောင်းဟာ မေလ ၈ ရက်နေ့မှာ ပုပ်ပွပြီး ပြန်ပေါ်လာရာကနေ ဗျူဟာမှူးအလောင်းပါတယ်လို့ ခန့်မှန်းရကြောင်း တောကြီးမြွေပွေးအဖွဲ့ဆီက သိရပါတယ်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်