ချင်းပြည်နယ်၊ ပလက်ဝမြို့နယ်၊ ချင်းကာကွယ်ရေးတပ်ဖွဲ့-ပလက်ဝတွင် တာဝန်ထမ်းဆောင်သည့် ရဲဘော်နှစ်ဦးသည် ချင်းလဲန်းနှင့် အမျိုးသားရေးတာဝန်ကို ကျေပွန်စွာထမ်းဆောင်ရင်း နောက်တန်းစခန်းတွင် ကျဆုံးခဲ့သည်ဟု CDF ပလက်ဝက စက်တင်ဘာ ၁၆ ရက်နေ့တွင် ထုတ်ပြန်ထားသည်။
CDF ပလက်ဝ တပ်ရင်း (၃) တွင် တာဝန်ထမ်းဆောင်သည့် ဆလိုင်းဧနောက် အသက် (၁၉) နှစ် သည် ဩဂုတ်လ ၈ ရက်နေ့တွင် ကျဆုံးပြီး၊ CDF ပလက်ဝ တပ်ရင်း (၁) တွင် တာဝန်ထမ်းဆောင်သည့် ဆလိုင်းမောင်မောင် အသက် (၂၅) နှစ်သည် ဩဂုတ်လ ၃ ရက်နေ့တွင် ကျဆုံးခဲ့သည်။
မွမ်းမံသင်တန်း အပတ်စဉ် (၂)တွင် နေမကောင်းဖြစ်၍ သင်တန်းကာလ မိုးတောက်လျှောက်ရွာပြီး နာမကျန်းဖြစ်ကာ ဆေးဝါးကုသမူ အချိန်မီမလုပ်နိုင်ခဲ့သောကြောင့် ဟု CDF ပလက်ဝထံက သိရှိရသည်။
အမျိုးသားတော်လှန်ရေးအတွက် ၎င်းတို့ ပေးဆပ်မူအပေါ် CDF ပလက်ဝ တပ်ဖွဲ့မှ လေးစားဂုဏ်ပြုကြောင်းနှင့် ကျန်ရစ်သူမိသားစုနှင့်ထပ်တူ ဝမ်းနည်းကြောင်း မှတ်တမ်းတင်အပ်သည်ဟု CDF ပလက်ဝက ဆိုသည်။
