တော်လှန်ရေးအဟန့်တားဖြစ်စေတဲ့ မည်သည့်လုပ်ရပ်ကိုမဆို ထိရောက်စွာအရေးယူဆောင်ရွက်သွားမယ်လို့ CDF-Paletwa ထုတ်ပြန်

အိုက်ခူမီး

၂၇၊ စက်တက်ဘာလ၊ ၂၀၂၃

အာဏာသိမ်း အကြမ်းဖက်စစ်ကောင်စီအား အမြစ်ပြတ်ချေမှုန့်နေချိန်မှာ ပလက်ဝမြို့နယ် ပြည်တွင်းပြည်ပရှိ ဒေသခံတစ်ချို့က CDF-Paletwa ရဲ့ မဟုတ်မမှန်သတင်းများ ဖြန့်ဝေခြင်းများ ပြုလုပ်နေတယ်လို့ စက်တင်ဘာ ၂၆ရက်က ထုတ်ပြန်ထားပါတယ်။

ဒါ့ပြင် CDF- Paletwa ကို ထောက်ခံအားပေးတဲ့ ပုဂ္ဂိုလ်တွေရဲ့ ဝန်းရံဆောင်ရွက်တဲ့ လုပ်ငန်းတွေကို အဖျက်အမှောက်ပြုလုပ်ခြင်း၊ စိတ်ဝမ်းကွဲစေမယ့် သတင်းအချက်လက်တွေနဲ့ ဝါဒမှိုင်းတိုက်ခြင်းတွေကိုပါ ပြုလုပ်တယ်လို့လည်း ဆိုပါတယ်။

တော်လှန်ရေးမှာ ထိထိရောက်ရောက်ပါဝင်ကြတဲ့ ပြည်သူတွေရှိသလို တော်လှန်ရေးကိုနှောက်ယှက်တဲ့ပြည်သူတွေရှိတယ်လို့ CDF-Paletwa တာဝန်ရှိသူ တစ်ဦးက Zalen ကို ဆိုပါတယ်။

“ပြည်တွင်းပြည်ပ ပေါ့နော်။ ပြည်တွင်းဆိုတဲ့ချိန်မှာ ပြေပြင်မှာဖြစ်ပျက်ခဲ့တာပေါ့လေ။ ကျွန်တော်တို့ ပလက်ဝမြို့နယ်မှာက လူမျိုးပေါင်းစုံနေထိုင်ကြတဲ့အတွက်ကြောင့် ဒီတော်လှန်ရေးမှာလည်း တော်ရှုပ်ထွေးပါတယ်။ တော်လှန်ရေးမှာမပါဝင်တဲ့ပြည်သူဆိုတာက နှစ်ဘက်ချွန်​ပေါ့။ အခွင့်ရေးသမားတွေပေါ့နော်။ ဒီလူတွေကပဲ တခြားပြည်သူတွေကို သွေးထိုးတဲ့ခါကြတော့ သဘောထားတွေကွဲသွားတာပေါ့။ ကျွန်တော်တို့အပေါ် ပြည်သူတွေ ယုံကြည်မှု ပိုပိုနည်းသွားတယ်။ ပြီးတော့ မြေပြင်မှာလဲ သူတို့ရဲ့လုပ်ရပ်တွေက တချို့တလေ ကျနော်တို့တွက်ထိခိုက်နစ်နာတဲ့အပိုင်တွေရှိတယ်”လို့ ဆိုပါတယ်။

တော်လှန်ရေး  အဟန့်အတားဖြစ်စေသော မည်သည့်လုပ်ရပ်ကိုမဆို ထပ်မံမပြုလုပ်ကြရန်နဲ့ နောက်နောင်ဆက်လက် လုပ်ဆောင်မူရှိပါက CDF-Paletwa အနေ့ဖြင့် ဘယ်သူ့မျက်နှာမှမထောက်ဘဲ ပြင်းပြင်းထန်ထန် ထိရောက်စွာ အရေးယူသွားမယ်လို့ အသိပေးထုတ်ပြန်ထားပါတယ်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်