ပလက်ဝမြို့ တိုက်ပွဲတွင်း ထွက်ပြေးတိမ်းရှောင်ကြတဲ့ပြည်သူတွေ မတ်လတွင်း ပြန်လာဖို့ AA ပြော

၁၉၊ မတ်လ၊၂၀၂၄

Zalen

ချင်းပြည်နယ်၊ ပလက်ဝမြို့ တိုက်ပွဲတွင်း ထွက်ပြေးတိမ်းရှောင်နေကြတဲ့ စစ်ဘေးရှောင်တွေ ယခု မတ်လအတွင်း ပြန်လာကြဖို့ ရက္ခုင့်တပ်တော် (AA)က သတိပေး ညွန်ကြားတယ်လို့ ဒေသခံဆီကနေ သိရပါတယ်။

ပလက်ဝမြို့မှာ ပြီးခဲ့တဲ့ ၂၀၂၃ ခုနှစ် ဒီဇင်ဘာလက ဖြစ်ပွားတဲ့ တိုက်ပွဲတွင်း ပလက်ဝမြို့နေ ပြည်သူတွေဟာ ဘေးလွတ်ရာသို့ ထွက်ပြေးကြပြီး အဲ့ဒီ ထွက်ပြေးသွားကြတဲ့ ပြည်သူတွေ ယခု ရက်ပိုင်းတွင်း အမြန်ဆုံးပြန်လာဖို့ AA က သတိပေးထားတယ်လို့ သိရပါတယ်။

“အဓိကတော့ မြို့ပေါ်က လူတွေ ပြန်လာဖို့ ပြောတာပါ။ ပြန်မလာသေးတဲ့ လူနေအိမ်ကို AA ကနေပြီး စခန်းချ နေထိုင်သွားမယ်လို့လည်း ပြောတယ်။ ပြည်သူတွေက လေယာဥ် ခဏခဏ ဗုံးကြဲခံရတော့ ကြောက်လို့ ပြန်မလာရဲကြဘူး။ မြို့ထဲလည်း AA တွေက ရှိနေတော့ မလာရဲကြတာပါ။”လို့ ပလက်ဝဒေသခံတစ်ဦးက ပြောပါတယ်။

AA ရဲ့ ထိန်းချုပ်မူအောက် ၂ လကျော်တွင်း ပလက်ဝမြို့နယ်မှာ လေကြောင်းတိုက်ခိုင်မှု ၈ ကြိမ်ထက်မနည်းရှိပြီး ဒေသခံ အရပ်သား ကလေးအပါဝင် ၁၅ ဦးသေဆုံးသလို ၁၀ ဦးထက်မနည်း ထိခိုက်ဒဏ်ရာ ရရှိခဲ့ပါတယ်။

လေကြောင်းတိုက်ခိုက်မှုတွေ ရှိသေးတာကြောင့် ထွက်ပြေးတိမ်းရှောင်နေကြတဲ့ ပလက်ဝမြို့ပေါ်က ပြည်သူအများစုဟာ နေရပ်မပြန်ရဲဲကြသေးဘူးလို့ သိရပါတယ်။

သတင်း – ခူမီး

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်