၂၆၊အောက်တိုဘာ၊၂၀၂၄
Zalen
ချင်းပြည်နယ်၊မင်းတပ်မြို့ပေါ်နဲ့ အနီး၀န်းကျင်တွေကို စစ်ကောင်စီကင်းထောက်လေယာဉ် နဲ့ဒီကနေ့ နေ့လယ် ၁၂နာရီလောက်မှာ လေကြောင်းတိုက်ခိုက်မှုပြုလုပ်ခဲ့တယ်လို့သတင်းရရှိပါတယ်။
အဆိုပါလေကြောင်းတိုက်ခိုက်မှုမှာစစ်ကောင် စီလေကြောင်းက မင်းတပ်မြို့ထဲ၊မြို့ပြင်တွေမှာ ဗုံးသီးအလုံးရေ ၅၀ကျော်ကို နေရာအနှံ့ အပြားရမ်းသမ်းကြဲချခဲ့တယ်လို့သိရပါတယ်။
” နေ့လယ် ၁၂ နာရီလောက်ကနေစကြဲတာ၊အလုံးရေက ၅၀ကျော်တယ်၊နေရာအနှံ့ပဲ၊မြို့ထဲလည်းချတယ်ထင်တယ်၊မြို့ပတ်ပတ်လည်တော့အကုန်ရမ်းကြဲတာ” လို့ ဒေသခံတစ်ဦးက Zalenကိုပြောပါတယ်။
အဲဒီလေကြောင်းတိုက်ခိုက်မှုကြောင့်ထိခိုက်ပျက်စီးမှုရှိ၊မရှိကိုတော့အသေးစိတ်မသိရှိရသေးဘူးလို့ဆိုပါတယ်။
မင်းတပ်မြို့နယ်တွင် အောက်တိုဘာလအတွင်းစစ်ကောင်စီလေကြောင်းတိုက်ခိုက်မှု ၆ကြိမ်အထိပြုလုပ်ခဲ့သလို ဒီကနေ့ အောက်တိုဘာ ၂၆ ရက်နေ့မှာလည်း လေကြောင်းတိုက်ခိုက်မှုထပ်မံပြုလုပ်ခဲ့တာဖြစ်ပါတယ်။
သတင်း – မိုးပီအောင်
