မင်းတပ်မြို့နယ်အတွင်း တိုက်ပွဲမရှိဘဲ စစ်ကောင်စီ မှလေကြောင်းတိုက်ခိုက်မှုထပ်မံပြုလုပ်

၁၃ ၊ ဇွန် ၊ ၂၀၂၄

Zalen

ချင်းပြည်နယ်၊မင်းတပ်မြို့ ၊မလယ်ကုန်း ကျေးရွာကို မနေ့ ဇွန် ၁၂ ရက်ည ၁၁နာရီ ၂၅မိနစ်အချိန်ခန့်တွင် အကြမ်းဖက်စစ်ကောင်စီမှ လေကြောင်းတိုက်ခိုက်မှုပြုလုပ်ပြီး လေကြောင်းတိုက်ခိုက်မှုပြုလုပ်နေစဉ် ကျောက်ထုအမြောက်တပ် (အမတ ၃၆၈) မှ လှော်ဝ ကျေးရွာကို လက်နက်ကြီးဖြင့် တစ်ပြိုင်နက်ပစ်ခတ်မှုပြုလုပ်တယ်လို့သိရပါတယ်။

အကြမ်းဖက်စစ်ကောင်စီ က မလယ်ကုန်းကျေးရွာထဲကို ဗုံးကြဲတိုက်ခိုက်ခဲ့လို့ လူနေအိမ်တွေပျက်စီးမှုရှိတယ်လို့သိရပြီး လက်နက်ကြီး ၂လုံးလည်း လှော်ဝရွာထဲမှာ ကျရောက်ပေါက်ကွဲလို့အိမ်တွေပျက်စီးသွားတယ်လို့ သိရပါတယ်။

အဆိုပါလေကြောင်းတိုက်ခိုက်မှုနဲ့ပတ်သက်လို့ ဒေသခံတစ်ဉီးက “လေယာဉ်ကနေကြဲတာက မလယ်ကုန်းရွာထဲမှာ။ အဲမှာလူမရှိတော့ပေမယ့်အိမ်တွေရှိတယ်။ အိမ်တွေထိတယ်။ လက်နက်ကြီးက မလယ်ကုန်းမှာ ၂လုံးပြန်ကျတယ်။ လှော်ဝမှာက ကျွန်တော့် အိမ်နားကတစ်လုံး၊ရွာထဲတစ်လုံးကျတယ်။ ကျွန်တော့်အိမ်လည်းထိတယ်။ ကျန်တဲ့အိမ်တွေထိတာလည်းရှိတယ်။ ၆ လုံးလောက်ခန့်မှန်းရတယ်။ အသေးစိတ်မသိရသေးဘူး။ ဖြစ်ဖြစ်ချင်း တောထဲအကုန်ပြေးကြတာ”လို့ Zalen ကိုပြောပါတယ်။

စစ်ကောင်စီရဲ့လေကြောင်းတိုက်ခိုက်မှုဟာ ဇွန်လ ၁ ရက်နေ့မှ ၁၃ ရက်နေ့အထိ မင်းတပ်မြို့နယ်အတွင်း ၄ ကြိမ် အထိတိုက်ခိုက်ခံရပြီး အရပ်သားပြည်သူ တစ်ဉီးသေဆုံး၊ တစ်ဉီးဒဏ်ရာရ၊လူနေအိမ် ၁၅ လုံးနီးပါးပျက်စီးခဲ့တယ်လို့သိရပါတယ်။

မိုးပီအောင်

နောက်ဆုံးရသတင်းများ

YLA က မီဇိုရမ်-ရခိုင်လမ်းကို ပိတ်ဆို့မှုကြောင့် ဘာတွေ ရိုက်ခတ်လာမလဲ?

R. Lakher Young Lai Association (YLA) သည် မကြာသေးမီက အိန္ဒိယနိုင်ငံ Act East Policy နှင့်ကုလားတန်-ဘက်စုံစီမံကိန်းများ  ၏ အစိတ်အပိုင်းတစ်ခုဖြစ်သော အင်ဒို-မြန်မာ အမျိုးသားအဝေးပြေးလမ်းမကြီးကို ဇွန်လ ၂၄ ရက်၊ ...

ဆက်ဖတ်ရန်