ပြီးခဲ့တဲ့ မေလ (၂၃)ရက်က Hip Hop အဆိုတော် ဗျူဟာ က မကြာခဏမီးပျက်ခြင်းနဲ့ပတ်သက်ပြီး လူမှုကွန်ရက်ပေါ် Live လွှင့်ပြီးဝေဖန်လို့ ညတွင်းချင်းပဲစစ်ကောင်စီက ဖမ်းဆီးပြီး မနေ့ဩဂုတ်လ ၂၃ ရက်တွင် ထောင်ဒဏ်နှစ် (၂၀)ချမှတ်လိုက်တယ်လို့သတင်းရရှိပါတယ်။
၎င်းကို နိုင်ငံတော်အကြည်ညိုပျက်စေမှု ပုဒ်မ ၅၀၅ (က)၊ ပုဒ်မ ၁၂၄ (က) တို့ဖြင့် တရားစွဲခံရပါတယ်။ အဆိုတော် ဗျူဟာ ထောင်ဒဏ် နှစ်(၂၀) ချမှတ်ခံရကြောင်း ၎င်း ဇနီးဖြစ်သူက ဩဂုတ်လ (၂၃) ရက် မွန်းလွှဲပိုင်းတွင် လူမှုကွန်ရက်တွင်ဖော်ပြရာမှသိရခြင်းဖြစ်တယ်။
အဆိုတော်က ဗျူဟာက ဒေါ်အောင်ဆန်းစုကြည် အုပ်ချုပ်သည့် ၅ နှစ်တာကာလအတွင်း မီးမပျက်သည့် အပြင် မီတာခလျှော့ပေးခဲ့မှုနဲ့နှိုင်းယှဉ်လျှင် မင်းအောင်လှိုင် စောက်သုံးမကျဘူးလို့ လူမှုကွန်ရက်တွင် ဗီဒီယို လွှင့်တင် ပြောဆိုခဲ့ပါတယ်။
၎င်းကိုလက်ရှိ အင်းစိန်ထောင်တွင် ထိန်းသိမ်းထားပြီး ကျန်းမာရေးကောင်းမွန်နေပြီလို့သိရတယ်။ ဟစ်ဟော့ အဆိုတော် ဗျူဟာသည် “ကမ္ဘာမကြေဘူး” သီချင်းရေးစပ်သူ တေးရေးဆရာ နိုင်မြန်မာရဲ့ သားဖြစ်ပါတယ်။
