ဇန်နဝါရီ ၂၄၊ ၂၀၂၆
Zalen
ဇန်နဝါရီ ၂၅ ရက်နေ့ မနက်ဖြန် တနင်္ဂနွေနေ့မှာ ကျင်းပမယ့် ရွေးကောက်ပွဲအပိုင်း ၃ နောက်ဆုံးအဆင့်ကို လေ့လာစောင့်ကြည့်ဖို့ နိုင်ငံ ၆ နိုင်ငံက ကိုယ်စားလှယ်အဖွဲ့တွေ ရန်ကုန်ကို ရောက်ရှိလာပြီလို့ စစ်ကောင်စီက နိုင်ငံပိုင်သတင်းစာကနေ ထုတ်ပြန်ပါတယ်။
ရွေးကောက်ပွဲစောင့်ကြည့်ဖို့ အိန္ဒိယ၊ ဘယ်လာရုစ်၊ အင်ဒိုနီးရှား၊ နီပေါ၊ ကမ္ဘောဒီးယား၊ နီဂါဂွာရာနဲ့ International Conference of Asian Political Parties (ICAPP) တို့ရဲ့ ကိုယ်စားလှယ်အဖွဲ့တွေ ရောက်လာတာ ဖြစ်ပါတယ်။
ရွေးကောက်ပွဲ အပိုင်း ၁ မှာတော့
ထိုင်း၊ အိန္ဒိယ၊ ရုရှား၊ ဘီလာရုစ်၊ ဖိလစ်ပိုင်၊ လာအို၊ နီဂါဂွာရာ၊ နီပေါနဲ့ ပါကစ္စတန်တို့က စတဲ့ ကိုယ်စားလှယ်အဖွဲ့တွေ လေ့လာစောင့်ကြည့်ဖို့ရောက်လာခဲ့ကြပါတယ်။
ရွေးကောက်ပွဲအပိုင်း ၁ မှာ ထိုင်း၊ အိန္ဒိယ၊ ရုရှား၊ ဘယ်လာရုစ်၊ ဖိလစ်ပိုင်၊ လာအို၊ နီဂါဂွာရာ၊ နီပေါနဲ့ ပါကစ္စတန် စတဲ့ နိုင်ငံ ကိုးနိုင်ငံက ကိုယ်စားလှယ်အဖွဲ့တွေ လာရောက်လေ့လာခဲ့ကြတာဖြစ်ပါတယ်။
အခု ပြုလုပ်မယ့် ရွေးကောက်ပွဲ အပိုင်း ၃ ကို မြို့နယ် ၆၃ မြို့နယ်မှာ ကျင်းပသွားမယ်လို့ ပြည်ထောင်စု ရွေးကောက်ပွဲကော်မရှင်ကနေ ထုတ်ပြန်ထားပါတယ်။
မြန်မာစစ်တပ်ရဲ့ ရွေးကောက်ပွဲကို အာဆီယံက အသိအမှတ်မပြုတာကြောင့် အာဆီယံအနေနဲ့ စောင့်ကြည့်လေ့လာသူတွေလည်း စေလွှတ်မှာမဟုတ်ဘူးလို့ မလေးရှားနိုင်ငံခြားရေးဝန်ကြီး မစ္စတာ မိုဟာမက် ဟာဆန်က ပြောထားပါတယ်။
စစ်တပ်ဦးဆောင်ကျင်းပတဲ့ ရွေးကောက်ပွဲကို အတုအယောင်ရွေးကောက်ပွဲအဖြစ် ကုလသမဂ္ဂနဲ့ အာဆီယံအပါအဝင် အနောက်နိုင်ငံတွေက ကန့်ကွက် ရှုတ်ချထားပါတယ်။
သတင်း-Helen
