မတ် ၃၁ ၊၂၀၂၆
Zalen
ချင်းပြည်တောင်ပိုင်း ၊ မင်းတပ်မြို့ ၊ အရှေ့ပြင် ရပ်ကွက်ကို ဒီကနေ့ နေ့လယ် ၁၂ နာရီ၀န်းကျင်မှာ စစ်ကောင်စီတပ်က လေကြောင်းကနေ ဗုံးကြဲတိုက်ခိုက်ခဲ့လို့ စစ်သုံ့ပန်း တဦး ထိခိုက်ဒဏ် ရာရခဲ့တယ်လို့ သိရပါတယ်။
အဆိုပါ လေကြောင်းတိုက်ခိုက်မှုမှာ စစ်ကောင်စီတပ်က ပေါင် ၅၀၀အားရှိတဲ့ ဗုံးသီ ၂လုံးကို တပြိုင်တည်း ပစ်ခတ်ခဲ့တာဖြစ် လို့ အဆောက်အဦ ပျက်စီးတာတွေလည်း ရှိတယ်လို့ ဆိုပါတယ်။
” ကျေးလက်ရုံးကို ပစ်တာ။ အဆောက်အဦးတွေပျက်တယ်။ ဒဏ်ရာတဦးရတယ်” လို့ မင်းတပ်မြို့ပေါ်ဒေသခံ တဦးက Zalen ကိုပြောပါတယ်။
စစ်ကောင်စီ ပစ်ခတ်လိုက်တဲ့ ဗုံး သီးထိမှန်ပြီး ဒဏ်ရာရတဲ့သူကတော့ စစ်သုံ့ပန်းတဦးဖြစ်တယ်လို့ သိရသလို ဒဏ်ရာအခြေအနေကတော့ အသေးစိတ်မသိရသေးဘူးလို့ ရှင်းပြပါတယ်။
တပ်မတော်ကာကွယ်ရေးဦးစီးချုပ်ကို မတ်လ ၃၀ ရက်နေ့မှာ အပြောင်းအလဲပြုလုပ်ခဲ့ပြီး ဗိုလ်ချုပ်မှူးကြီး မင်းအောင်လှိုင် အစား ဗိုလ်ချုပ်ကြီး ရဲ၀င်းဦး က တာ၀န်ယူ ထားတာဖြစ်ပါတယ်။
ဒါကလည်း တပ်မတော်ကာကွယ်ရေးဦးစီး ချုပ် အပြောင်းအလဲပြုလုပ်ပြီးနောက် စစ်ကောင်စီက မင်းတပ်မြို့ကို ပထမဆုံး လေကြောင်းတိုက်ခိုက်တာပဲ ဖြစ်ပါတယ်။
သတင်း – မိုးပီအောင်
ဓာတ်ပုံ – စစ်ကောင်စီလေကြောင်းတိုက်ခိုက်မှုကြောင့်ပျက်စီးသွားတဲ့ ကျေးလက်ရုံး
