၁၃၊ဧပြီ၊၂၀၂၄
Zalen
ကလေးမြောက်ပိုင်း ပျဉ်းခုံကြီးရွာရှိ နေအိမ်များကို စစ်ကောင်စီတပ်က ယနေ့မနက်မှာဒုတိယအကြိမ် ထပ်မံမီးရှို့တယ်လို့သိရပါတယ်။
ယမန်နေ့ ဧပြီလ ၁၂ရက်နေ့ ညနေပိုင်းကစပြီးစစ်ကောင်စီတပ်က ပျဉ်းခုံကြီးရွာရှိ နေအိမ်များကိုမီးရှို့ခဲ့ပြီး ယနေ့မနက်ပိုင်းထိ ဆက်လိုက်မီးရှို့နေတာဖြစ်ပါတယ်။
“အိမ်ခြေဘယ်လောက်လောင်ပြီလဲဆိုတာတော့မသိရသေးဘူး။မနေ့ညကတည်းက ဆက်တိုက်ရှို့တာ အခုထိမရပ်သေးဘူး”လို့ ဒေသခံတစ်ဦးကပြောပါတယ်။
စစ်ကောင်စီတပ်ဟာ ပျဉ်းခုံကြီးရွာထဲရှိ နေအိမ်များအတွင်းမှ ရိက္ခာများနဲ့ အဖိုးတန်ပစ္စည်းများကိုလည်း ခိုးယူကာ နေအိမ်များကိုလည်း မီးရှို့ဖျက်ဆီးနေတယ်လို့ သိရပါတယ်။
သတင်း- Win Bo
