အိန္ဒိယနိုင်ငံ၊ မဏီပူရ်ပြည်နယ်၊ အင်ဖာမြို့ Sajiwwa ထောင်တွင်ထိန်းသိမ်းခံရတဲ့ Pu Demkholun ကိုဒင်းခိုလွန်း (၃၂နှစ်)ဟာ နှလုံးရောဂါဖြင့် မနေ့ ဖေဖော်ဝါရီ ၂၅ ရက်ကသေဆုံးသွားတယ်လို့သတင်းရရှိပါတယ်။
၎င်းဟာအရင်က တမူးမြို့နယ်၊ ကွန်းတောင်းအုပ်စု၊ ဆရာစံကျေးရွာတွင်နေထိုင်ခဲ့ပြီး နိုင်ငံရေးအခြေနေကြောင့် မိုးရေးမြို့နယ် လန်ကျန်(H Lhancham) ကျေးရွာတွင်စစ်ဘေးရှောင်အဖြစ်နေထိုင်ခဲ့ပါတယ်။
ကိုဒင်းခိုလွန်းရဲ့ရုပ်ကလပ်အလောင်းကို လူမူရေးအဖွဲ့မှတာဝန်ယူပြီးမိုးရေးမြို့သို့ပိုဆောင်ပေးမယ်လို့သိရတယ်။
မြန်မာနိုင်ငံကနေ မဏီပူရ်ပြည်နယ်သို့ တရားမဝင် ဝင်ရောက်လာတဲ့ မြန်မာနိုင်ငံသား ၃၉၃ ဦးကိုဖမ်းဆီးထိန်းသိမ်းထားပြီး တစ်ဦးကို ပြည်နှင်ဒဏ်ပေးခဲ့တယ်လို့ မဏီပူရ်ပြည်နယ်ဝန်ကြီးချုပ် N Biren Singh က ပြည်နယ်လွှတ်တော်အစည်းအဝေးမှာပြောကြားခဲ့ပါတယ်။
၎င်းတို့ထဲက ၁၀၇ ဦးကို တရားရေးရာ စစ်ဆေးမှုပြုလုပ်နေပြီး ကျန်ရှိတဲ့ ၁၀၅ ဦးကို ထိန်းသိမ်းရေးစင်တာများတွင် ထိန်းသိမ်းထားကာ ၁၈၀ ဦးကိုတော့ အာမခံဖြင့် ပြန်လွှတ်ပေးပြီဖြစ်ကြောင်း ဆိုပါတယ်။
