၂၊ နိုဝင်ဘာ၊ ၂၀၂၃
Zalen
အိန္ဒိယနိုင်ငံ၊ မဏိပူရ်ပြည်နယ်၊ မိုးရေးမြို့တွင် ယမန်နေ့ နိုဝင်ဘာ ၁ ရက်ကဖမ်းဆီးထားတဲ့ မြန်မာစစ်ဘေးရှောင်တွေထဲက အမျိုးသမီးနဲ့ ကလေးငယ်တွေ ယနေ့မနက်တွင် ပြန်လွှတ်လာတယ်လို့ မြန်မာစစ်ဘေးရှောင်တစ်ဦးထံမှသိရတယ်။
မိုးရေးမြို့ထဲမှာ အာသံရိုင်ဖယ်နဲ့ ရဲတပ်ဖွဲ့တွေက မြန်မာစစ်ဘေးရှောင်တွေကို ယနေ့မနက်တွင်လည်းဆက်လက်ရှာဖွေစစ်ဆေးနေပြီး မိုးရေးမြို့ဒေသခံအချို့လည်းလက်ကိုင်အဖွဲ့နဲ့ ဆက်စပ်တယ်လို့ စွပ်စွဲကာ ဖမ်းဆီးခံကြတယ်လို့ သိရတယ်။
စစ်ဘေးရှောင်ကျောင်းများကိုလည်းခေတ္တယာယီပိတ်ထားကြရန်စစ်ဘေးရှောင်ဒုက္ခသည်ကော်မတီေကျာင်းအဖွဲ့မှညွန်ကြားထားတယ်လို့လည်းသိရတယ်။
တမူးမြို့ဒေသခံတစ်ဦးက “မနေ့က ၄၁ယောက်ဖမ်းတယ်။ မိန်းကလေးနဲ့သက်မပြည့်သေးသူတွေကိုတော့ ပြန်လွှတ်ပေးတယ်။ ယောက်ျားလေး ၁၁ယောက်တော့အင်ဖားလ်ထောင်ပို့လိုက်ပြီ။ မိုးရေးမြို့က ရပ်ကွက်၂၀လောက်ရှိတယ်။ မြန်မာပြည်ဖက်ကရွှေ့လာသူတွေအားလုံးပြေးကုန်ကြပြီ။ အနီးနားက ကူကီးရွာတွေလည်းပြေးကြတယ်။ တစ်ချို့ကတောထဲတစ်ချို့ မြန်မာပြည်ထဲ နည်းနည်းငြိမ်ရင်အိမ်ပြန်လာ ပြီးထမင်းချက်ပြီးရင်ပြန်ပြေးကြတယ်။ ဖုန်းပြောတော့ ပြောရင်းငိုသံကြီးရော၊ဒေါသသံတွေရော နိုင်ငံပျောက်သူဆိုတာငါတို့မှအစစ်ပဲတဲ” လို့ပြောပါတယ်။
PR
