မတ် ၂၃၊၂၀၂၆
Zalen
ချင်းပြည်နယ် ၊ မင်းတပ်မြို့နယ် နဲ့ မကွေး တိုင်း ယောဒေသ ၊ ထီးလင်း ၊ကျောက်ထု အစပ်ကို ယမန်နေ့ နေ့လည် ၁၂ နာရီ၀န်းကျင်မှာ စစ်ကောင်စီက လေကြောင်းကနေ ဗုံးကြဲတိုက် ခိုက်မှုပြုလုပ်ခဲ့တယ်လို့ ဒေသခံတွေထံက သတင်းရရှိပါတယ်။
အဆိုပါလေကြောင်းတိုက်ခိုက်မှုမှာ စစ်ကောင်စီက မကွေးတက် ဂျက်ဖိုက်တာယာဉ်အမျိုးအစား ၂စီး နဲ့ ၃ ကြိမ် ဗုံးကြဲတိုက်ခိုက်ခဲ့တာလို့ဆိုပါတယ်။
“ရွှေအောင်သာအရှေ့ဘက် တာဝါတိုင်နားတွေမှာ မီးခိုးတွေထွက်နေတယ် ။ ရောက်လာမှ အသံကြားရတာ။ ဗုံးကွဲသံတွေလည်း အရမ်းကျယ်တယ်။” လို့ ဒေသခံ အမျိုးသမီးတစ်ဉီးက Zalen ကိုပြောပါတယ်။
အဲဒီ တိုက်ခိုက်မှုမှာ ဗုံးသီး ၊ ရော့ကက် တွေနဲ့ ပစ်ခတိ ခဲ့တာဖြစမပြီးလေကြောင်းတိုက်ခိုက်မှုကြောင့် ထိခိုက် ၊ ပျက်စီးတာတွေ ရှိနိုင်ပေမယ့် အသေးစိတ်အချက်အလက်ကတော့ မသိရသေးဘူးလို့ သူမ က ဆက်ပြောပါတယ်။
ပြီးခဲ့တဲ့ ဖေဖော်ဝါရီလ ၂၃ ရက်နေ့တုန်းကလည်း အဆိုပါ တာဝါတိုင် နေရာကို စစ်ကောင်စီလေကြောင်းကနေ နှစ်ကြိမ် ဗုံးသီး ၆ လုံး နဲ့ ဗုံးကြဲတိုက်ခိုက်ခဲပါတယ်။
သတင်း – ယောနေ
ဓာတ်ပုံ – HKL
