ချင်းပြည်နယ်၊ဟားခါးမြို့နယ် သီးမစ်(Timit)ချောင်းမှာ ယမန် ဧပြီလ ၂၆ ရက်တွင် ချင်းအမျိုးသားတပ်ဦး (CAN)နှင့် စစ်ကောင်စီတပ်များတိုက်ပွဲဖြစ်ပွားရာ CNA ရဲဘော် ဆလိုင်းဂျွန်စမစ် (Salai John Smith) ကျဆုံးတယ်လို့သတင်းရရှိပါတယ်။
ရဲဘော် ၂ဦးဒဏ်ရာရရှိတယ်လို့သိရတယ်။ ဟားခါးကနေ ထန်တလန်မြို့ကားလမ်းပေါ်မှာရှိတဲ့ သီးမစ်ချောင်းဝန်းကျင်က စစ်ကောင်စီ ကင်းစခန်းများသွားရောက်တိုက်ခိုက်စဉ်အခုလို ကျဆုံးသွားတာဖြစ်ပါတယ်။
သီးမစ်ချောင်းတွင် စစ်ကောင်စီကင်းစခန်း ၃ ခုရှိတဲ့အနက် စခန်း ၂ ခုကို CAN က မနေ့ကသိမ်းပိုက်နိုင်ခဲ့တယ်။ ဧပြီ ၂၇ ရက်မနက် ၁ နာရီဝန်းကျင်တွင် တိုက်ပွဲဖြစ်ပွားတဲ့နေရာပေါ် ဂျက်လေယာဉ်တစ်စီးက ဗုံး ၂ လုံးကြဲချခဲ့ပါတယ်။
ဒါ့ပြင် ဧပြီလ ၂၆ ရက် ညနေ ပိုင်းတွင်လည်း ဟားခါးမြို့နယ် ချွန်ကျုံးကျေးရွာတွင်အကြမ်းဖက် စစ်ကောင်စီတပ်နှင့် ဒေသခံပူးပေါင်းကာကွယ်ရေးတပ်များတိုက်ပွဲဖြစ်ပွားပါတယ်။
