ကလေး တာဟန်းမှာ အိမ် နှစ်လုံးမီးလောင်
ကလေးမြို့ တာဟန်းရပ်ကွက် အိစွတ်ရွာသွားလမ်းအနီးမှာ ပရိဘောဂအိမ် နှစ်လုံးမီးလောင်သွားပါတယ်။
ဖြစ်စဉ်နဲ့ပတ်သက်ပြီး အခင်းဖြစ်ပွားရာနေရာသို့သွားရောက်တဲ့ ဦးကိမ်းခိုင်က “ဖြစ်တဲ့နေရာက တာဟန်းရဲစခန်းအနောက်ဘက် အိစွတ်ရွာသွားတဲ့လမ်းပေါ်မှာ။ ပရိဘောဂလုပ်ငန်းလုပ်ကိုင်တဲ့ ဦးပွီးယာနေအိမ်ဘေးက သူ့အိမ်အငှါးချထားတဲ့အိမ်ကစ မီးလောင်တယ်။ ပြီးတော့ ပရိဘောဂလုပ်တဲ့အိမ်ဘက်ကူးလာတယ်။ လူအထိအခိုက်တော့ မရှိပေမယ့် သူများတွေမှာထားတဲ့ ပရိဘောဂတွေအားလုံးမီးထဲပါသွားတယ်”လို့ပြောပါတယ်။
ယင်းမီးဟာ ည ၇ နာရီခန့်ကစလောင်ပြီး ၈ နာရီခန့်မှာမီးငြိမ်းသွားပါတယ်။
