အိန္ဒိယ-မြန်မာနယ်စပ် စစ်ကိုင်းတိုင်းဒေသကြီး တမူးမြို့နယ် နန်းဖာလုံအနီးတွင် မနေ့ည (၉)နာရီခန့်တွင် ရဲကင်းစခန်းမီးလောင်သွားတယ်လို့ ကနဦးသတင်းရရှိပါတယ်။
ရဲကင်းစခန်းရှိတဲ့နေရာကတော့ ချောက်နက်ကြီးရွာလို့သိရပြီး တမူးမြို့နဲ့ ၂ မိုင်ခန့်ဝေးပါတယ်။ အိန္ဒိယနဲ့ပိုနီးပြီး ချင်း(ကူကီး)တိုင်းရင်းသားတွေ နဲ့ နှစ်ဖက်နိုင်ငံက လက်နက်ကိုင်တွေကြီးစိုးတဲ့နေရာလည်းဖြစ်ပါတယ်။
မတ်လ (၂၅)ရက်ညက တမူးမြို့တွင် စစ်တပ်နဲ့ ရဲက ပြည်သူတွေကို ပစ်ခတ်လို့ ၂ ဦးသေဆုံးပြီး ၇ ဦးဒဏ်ရာရရှိခဲ့ပါတယ်။
