ဖေဖော်ဝါရီလ ၂၃၊ ၂၀၂၆
Zalen
လက်ရှိ UFC Flyweight ချန်ပီယံ Joshua Van ကတော့ သူ့ရဲ့ပထမဦးဆုံးချန်ပီယံ ခါးပတ်ကာကွယ်ပွဲအဖြစ် ဂျပန် ဖိုက်တာ Tatsuro Taira နဲ့ထိုးသတ်သွားကြမှာဖြစ်ပါတယ်။
အဆိုပါပွဲစဉ်ကို လာမယ့် ဧပြီလ ၁၂ ရက် ၊ အမေရိကန်ပြည်ထောင်စု၊ ဖလော်ရီဒါပြည်နယ်၊ မိုင်ယာမီမြို့မှာကျင်းပ မယ့် UFC 327 မှာထည့်သွင်းထားကြောင်း UFC ဘက်က မနေ့ ဖေဖော်ဝါရီလ၂၂ ရက်နေ့မှာ တရားဝင်ကြေညာ ထားပါတယ်။
ဒါဟာ UFC သမိုင်းတစ်လျှောက် အာရှနွယ်ဖွား ဖိုက်တာ နှစ်ဦးရဲ့ပထမဦးဆုံး ချန်ပီယံခါးပတ်လုပွဲဖြစ်လာပါ တယ်။
Joshua Van ဟာ ပြီးခဲ့တဲ့ ၂၀၂၅ ခုနှစ် ဒီဇင်ဘာလ ၆ ရက်နေ့မှာ ဘရာဇီးဝါရင့်ဖိုက်တာ ပန်တိုဂျာကို အနိုင်ရရှိပြီး ချန်ပီယံဖြစ်လာခဲ့သူဖြစ်ပါတယ်။
Tatsuro Taira ဟာလည်း လက်ရှိ ဖလိုင်းဝိတ်တန်းမှာစွမ်းဆောင်ရည်ကောင်းတွေ ဆက်တိုက်ချပြနေသူဖြစ်ပြီး ပြီးခဲ့တဲ့ ၂၀၂၅ ခုနှစ် ဒီဇင်ဘာလ ၆ ရက်နေ့မှာ ဝါရင့်ဖိုက်တာ ဘရန်ဒန်မော်ရီးနိုးကို ဒုတိယအချီမှာအလဲထိုးပြသွား ပါတယ်။
ဒီပွဲနဲ့ပတ်သက်လို့ Joshua Van ကတော့ Tatsuro Taira ကို တတိယအချီမှာ ပွဲဖြတ်သွားမယ်လို့ပြောကြား ထားပြီး နောက်ထပ်ချန်ပီယံခါးပတ်ကာကွယ်ပွဲကို ပြိုင်ဘက်ဟောင်း ပန်တိုဂျာနဲ့ထိုးသတ်ချင်တယ်လို့ အင်တာဗျူး တစ်ခုမှာဖြစ်ကြားထားပါတယ်။
သတင်း – Mickey
