စစ်ကိုင်းတိုင်း၊ ကလေးမြို့နယ်၊ တောင်ဖီလာနှင့် အဖွဲ့စက်ရှိ စစ်ကောင်စီတပ်များက မနေ့ ဇွန်လ ၁၈ရက် ည ၇ နာရီအချိန်ခန့်မှ ကလေးတောင်ပိုင်းသို လက်နက်ကြီးအကြိမ် ၂၀ ဝန်းကျင် ရမ်းသမ်းပစ်ခတ်ရာ ထိုမာကျေးရွာနေ အသက် ၄၀ ဝန်းကျင်ခန့် ဦးဘဦး သေဆုံးပြီး အသက်၂၃ နှစ် အရွယ် မိန်းကလေး ၁ဦး မစိုးရိမ်ရ သည်ဟုသတင်းရရှိသည်။
လက်နက်ကြီးကြောင့်သေဆုံးသည့်အမျိုးသားသည် ဝမ်းဗိုက်၊ ရင်ဘတ်၊ လက်မောင်းနှင့် မျက်နှာများတွင် ထိခိုက်ဒဏ်ရာရရှိပါသည်။
ထို့အပြင် သာယာကုန်းကျေးရွာတွင်လည်း လက်နက်ကြီး ၁လုံး ကျရောက်ပေါက်ကွဲကာ အသက် ၅၀ ကျော်အရွယ် အမျိုးသမီး ၁ ဦး ထိခိုက် ဒဏ်ရာရရှိကြောင်း ဒေသခံတစ်ဦးထံမှ သိရသည်။
” ညနေ ၇ နာရီအချိန်လောက်မှာပေါ့နော် ထိုမာရွာထဲမှာ လက်နက်ကြီး ၄ လုံးပေါက်ကွဲတယ်၊ ကိုဘဦးဆိုတဲ့သူက အဲနေရာမှာသေဆုံးသွားတယ်ဗျာ၊ ပြီးတော့ မိန်းခလေး ၁ဦး ဒဏ်ရရှိတာရှိတယ်၊ သာယာကုန်းရွာထဲမှာလည်းလက်နက်ကြီး ၁လုံးကျတယ်။ ဝက်စာကျွေးနေတဲ့ အမျိုးသမီး ၁ဦးဒဏ်ရာရတယ်” ဟုဒေသခံပြည်သူတစ်ဦးက ပြောပါသည်။
စစ်ကောင်စီများရဲ့ လက်နက်ကြီးပစ်ခတ်မူကြောင့် ထိုမာကျေးရွာထဲတွင် ၈၀ မမ လက်နက်ကြီး ၄ လုံး ကျရောက်ပေါက်ကွာကာ သာယာကုန်းကျေးရွာထဲတွင်လည်း ၁၂၀ မမ လက်နက်ကြီး ၁လုံး ကျရောက်ပေါက်ကွဲကြောင်း သိရှိရပါသည်။
စစ်ကောင်စီတပ်ဖွဲ့ဝင်များသည် ဇွန်လ(၆)ရက်နေ့ကစပြီး ကလေးမြိုနယ် တောင်ပိုင်းဖက်ကို လက်နက်ကြီးတွေနဲ့ ရမ်းသမ်းပစ်ခတ်တာတွေလုပ်ဆောင်နေပြီး အရပ်သားသေဆုံးဒဏ်ရာရရှိမှု၊ နေအိမ်ထိခိုက်မှုများရှိသည်ဟုသိရသည်။
