ကလေးမြို့မှာ မီတာမဆောင်ရင် မီးဖြတ်မယ်လို့ စစ်ကောင်စီခြိမ်း‌ခြောက်

ချစ်ခြင်းနွေ/ ၆၊ အောက်တိုဘာ၊ ၂၀၂၃

Zalen

ကလေးမြို့မှာ စစ်ကောင်စီတပ်သားတွေဟာ လုံခြုံအပြည့်နဲ့ ရပ်ကွက်ထဲနေအိမ်တွေကို မီတာဆောင်ဖို့ တစ်အိမ်တက်ဆင်း လိုက်လံ သတိပေးနေပြီ မီတာခမဆောင်ပါက မီးဖြတ်မယ်လို့ ခြိမ်းခြောက်နေကြောင်း ဒေသခံတွေက ပြောပါတယ်။

အခု အောက်တိုဘာလဆန်းပိုင်းလောက်စပြီး မီတာခဆောင်ဖို့ တာဟန်းရပ်ကွက်နေအိမ်တွေနဲ့ ကြို့သုံးပင်ရပ်ကွက်က နေအိမ်တွေ လိုက်လံသတိပေးတာလို့ ဒေသခံတွေက ဆိုပါတယ်။

” ဒီရက်ပိုင်းကပဲ မီတာဆောင်ဖို့ လာပြောတာ။ စစ်သားတွေနဲ့လာကြတာ။ စုပေါင်းရုံးကို လာဆောင်ပါ မဆောင်ရင် မီးဖြတ်မယ်လို့ ပြောသွားတယ်” လို့ ‌တာဟန်းရပ်ကွက်နေထိုင်သူ ‌ ဒေသခံတစ်ဦးက ပြောပါတယ်။

၂၀၂၁ခုနှစ်ကတည်းက အကြွေးကျန်ရှိတဲ့ မီတာခ တွေပါ စုပေါင်းပြီး ပေးဆောင်ရမှာ ဖြစ်တာကြောင့် ငွေကြေးပမာဏများတဲ့အတွက် မတတ်နိုင်ဖြစ်နေတယ်လို့ ‌ ဒေသခံတွေက ပြောပါတယ်။

” မီတာလာဖတ်တာ ကျွန်မတို့အိမ်တော့ စုစုပေါင်း ၈သိန်းကျမယ်လို့ပြောတယ်။ အဲ့ငွေတွေကို ချက်ချင်း မဆပ်နိုင်ဘူးလေ။ ကုန်ဈေးနှုန်း‌ေတွ တက်နေရတဲ့အထဲ ဒီကြားထဲ မီတာကို ကြွေးကျန်ပေါင်းဆောင်ရမယ်ဆိုတော့ စားစရာဝောင် ကျန်တော့မှာ မဟုတ်ဘူး။ ကျွန်မအိမ်ရဲ့ အရှေ့ အိမ်ဆိုရင် ၁၅သိန်း တောင် ကျတယ်” လို့ ‌ ‌ဒေသခံတစ်ဦးက ပြောပါတယ်။

မီတာခ‌ေတွကို သတ်မှတ်ရက်အတွင်း နောက်ဆုံးထားပေးဆောင်ကြဖို့ စစ်ကောင်စီတပ်သားတွေက ပြောတယ်လို့ ဒေသခံတွေက ဆိုပါတယ်။

လက်ရှိ ကလေးမြို့မှာ လျှပ်စစ်မီးကို နေ့ဘက်မှာ တစ်နာရီ၀န်းကျင် နှစ်နာရီနီးပါးလောက်သာလာပြီး ညဘက်မှာ ည‌၉နရီကနေ မနက်၃နာရီ အထိသာ လာတယ်လို့ ‌ ဒေသခံတွေက ပြောပါတယ်။

ယနေ့ အောက်တိုဘာ ၆ရက်နေ့ မနက်ပိုင်းမှာ တာဟန်းရပ်ကွက်ရှိ ဗိုလ်ချုပ် လမ်းပေါ်မှာ စစ်ကောင်စီတပ်သားတွေ လုံခြုံရေးယူထားတာကို တွေ့ရပါတယ်။

၂၀၂၂ခုနှစ် နှစ်ကုန်ပိုင်းလောက်မှာလည်း လျှပ်စစ်မီတာခတွေ လာရောက်ပေးဆောင်လာဖို့ကို စစ်ကောင်စီရဲ့ တပ်သားတချို့က အစောင့်အကြပ် လိုက်ပေးပြီး ကလေးမြို့က ရပ်ကွက်တွေမှာ လိုက်လံဆော်ဩတာတွေ ရှိခဲ့ပါတယ်။

နောက်ဆုံးရသတင်းများ

စစ်သင်တန်းတက်ရန် အရာတော်ကိုသွားတဲ့ စစ်ယာဉ်တန်းကို တိုက်ခိုက်မှု စကစ ဗိုလ်ကြီး ၁ ဦးအပါအဝင် ၂၀ ခန့်သေဆုံး၊ ၅၀ နီးပါးအရှင်ဖမ်းမိ

၁၄၊ ဧပြီ၊၂၀၂၄ Zalen စစ်ကိုင်းတိုင်း၊မုံရွာမြို့ကနေ စစ်ကောင်စီ စစ်မှုထမ်းရန် သင်တန်းတက်ဖို့ အရာတော်မြို့ကိုသွားတဲ့ စစ်ယာဉ် တန်းကို တော်လှန်ရေးပူးပေါင်းတပ်ဖွဲ့က ဧပြီလ ၁၂ ရက်နေ့မှာပစ်ခတ်တိုက်ခိုက်ခဲ့ရာ စစ်ကောင်စီဗိုလ်ကြီး ၁ ဦး အပါအဝင် သင်တန်းသား ၂၀ ...

ဆက်ဖတ်ရန်