ကလေးမြို့၊ကြို့သုံးပင်ရပ်ကွက်တွင် မိုင်းပေါက်ကွဲလို့ ကလေးငယ်တစ်ဦးသေဆုံ

ဒေမီယံ/ စက်တင်ဘာ ၂၉၊၂၀၂၃

စစ်ကိုင်းတိုင်း၊ကြို့သုံးပင်ရပ်ကွက်၊ မွန်းလိုင်နှစ်ခြင်းဘုရားကျောင်းနားတွင်စက်တင်ဘာ ၂၈ရက်နေ့ ညနေ ၅နာရီ ၃၀မိနစ်ဝန်းကျင်ခန့်မှာ မိုင်းတစ်လုံးပေါက်ကွဲခဲ့ပြီးအသက် ၁၀နှစ်အရွယ် လေးတန်းကျောင်းသား တစ်ဦးသေဆုံးသွားတယ်လို့ ဒေသခံတွေဆီက သိရပါတယ်။

အသက် ၁၀နှစ်အရွယ် Joseph Tluang Than Vel (ဂျိုးဆပ်တလွန်ထန်ဗဲလ်း) ဟာ စက်တင်ဘာ ၂၈ရက်နေ့ ညနေပိုင်းမှာသူငယ်ချင်းများနဲ့ စက်ဘီးစီးရင်း မွန်းလိုင်နှစ်ခြင်း ဘုရားကျောင်းရှေ့အရောက်မှာ မိုင်းတစ်လုံးပေါက်ကွဲခဲ့လို့ ဝမ်းဗိုက်နဲ့ရင်အုံတဝိုက် ဒဏ်ရာအပြင်းထန်ရကာ ဆေးရုံပို့နေချိန် လမ်းမှာ အသက်ထွက်တာလို့နီးစပ်သူတွေကပြောပါတယ်။

“သူ့သူငယ်ချင်းတွေနဲ့ စက်ဘီးပတ်စီးရင်း မွန်းလိုင်နှစ်ခြင်းဘုရားကျောင်းရှေ့အရောက်မှာတိုက်တိုက်ဆိုင်ဆိုင် သူ့အနားတင်မိုင်းကွဲတာ။ ဖြစ်ဖြစ်ချင်း ဆေးရုံပို့ဖို့အမြန်စီစဥ်ကြပေမယ့်သွေးအထွက်လွန်ပြီး လမ်းမှာတင်ဆုံးသွားတယ်။ ကလေးရဲ့မိသားစုတွေ ရင်ကျိုးတာပေါ့ဗျာ။ကလေးက ငယ်ငယ်လေးပဲရှိသေးတာ။ မိုင်းကိုဘယ်အဖွဲ့စည်းက ထောင်တာဖြစ်ဖြစ်ပြည်သူတွေသွားလာတဲ့နေရာမှာတော့ ပြည်သူတွေကို ငဲ့ညှာစေချင်ပါတယ်။ကျနော်တို့ပြည်သူတွေဘဝက သနားစရာပါဗျာ” လို့ ကြို့သုံးပင်ရပ်ကွက် ဒေသခံတစ်ဦးကသုံးသပ်ပြောဆိုပါတယ်။

ကြို့သုံးပင်ရပ်ကွက် မွန်းလိုင်မှာလွန်ခဲ့တဲ့ရက်သတ္တပတ်ကလည်း မိုင်းသုံးလုံး ဆက်တိုက်ပေါက်ကွဲခဲ့ပြီး အရပ်သား ၅ဦး အသီးသီးဒဏ်ရာရခဲ့ပါတယ်။ဒေသခံပြည်သူများအနေနဲ့ အပြင်သွားလာဖို့အရေး စိုးရိမ်တကြီးနဲ့ ဂရုတစိုက်ဆင်ခြင်နေရတယ်လို့လည်း မွန်းလိုင်ဒေသခံ အမျိုးသမီးတစ်ဦးက ပြောပါတယ်။

မနေ့က ကြို့သုံးပင်ဘက်တွင် တိုက်ပွဲမဖြစ်ပေမယ့် မြို့လှ၊ အင်ဒိုင်းကုန်းရပ်ကွက်တွင် ၂ ရက်ဆက်တိုက် တိုက်ပွဲဖြစ်ပွားခဲ့ပါတယ်။

နောက်ဆုံးရသတင်းများ

ဒီညကစပြီး လောင်တလိုင်ခရိုင်ကနေ မြန်မာဘက်သို့ကုန်တင်ကား အဝင်အထွက်ပိတ်မယ်လို့ CYLA အသိပေး

၂၅၊မေလ ၊၂၀၂၄ Zalen အိန္ဒိယနိုင်ငံ၊ မီဇိုရမ်ပြည်နယ်၊ လောင်တလိုင်ခရိုင်ကနေ ချင်းပြည်နယ် ပလက်ဝမြို့နယ်နဲ့ ရခိုင်ပြည်နယ်ထဲကို အခြေခံစားသောက်ကုန်များ အပါအဝင် တစ်ခြားသောပစ္စည်းများကို သယ်ယူပို့ဆောင်လျက်ရှိတဲ့ ကားသမားများအနေနဲ့ ဒီကနေ့ မေလ ၂၅ ရက် ည ၁၂ ...

ဆက်ဖတ်ရန်