ကလေးမြို့ တောင်ပိုင်းတိုက်ပွဲမှာ CNDF ရဲဘော်တစ်ဦးကျဆုံး

▪️စစ်ကောင်စီကရဟတ်ယာဉ်နှင့်ချပေးတဲ့ လက်နက်ခဲယမ်းတစ်ချို့ပူးပေါင်းတပ်ဖွဲ့များကရရှိ

၂၂၊နိုဝင်ဘာ၊၂၀၂၃

Zalen

ကလေးမြို့နယ်၊ တောင်ပိုင်းမှာ နိုဝင်ဘာလ ၂၁ရက် ယမန်နေ့က ရန်ကြီးအောင်စခန်းကိုCNDFနဲ့ ဒေသခံပူးပေါင်းတပ်ဖွဲ့များက တိုက်ခိုက်ခဲ့ပြီး CNDFတပ်ဖွဲ့ဝင် ရဲဘော် ဆလိုင်းဗန်နွန်ထန်း(၁၉နှစ်)ကျဆုံးခဲ့တယ်လို့ CNOကထုတ်ပြန်ထားပါတယ်။

တိုက်ပွဲအတွင်း နှစ်ဖက်ထိခိုက်မှုများရှိနိုင်ပြီးစစ်ကောင်စီဘက်က Mi35တိုက်ခိုက်ရေးရဟတ်ယာဉ်နဲ့လည်း တိုက်ခိုက်ခဲ့ကြောင်း၊ရန်ကြီးအောင်စခန်းအတွက်စစ်ကောင်စီကရဟတ်ယာဉ်နဲ့ပစ်ချပေးခဲ့တဲ့ လက်နက်ခဲယမ်းတစ်ချို့ကိုလည်း ပူးပေါင်းတပ်ဖွဲ့များကရရှိခဲ့တယ်လို့သိရပါတယ်။

“ကျွန်တော်တို့CNDFရဲဘော်တစ်ယောက်ကျတယ်။စကစဘက်ကလည်း အထိခိုက်ရှိနိုင်တယ်။  အတည်ပြုလို့တော့မရသေးဘူး။ Mi35နဲ့လည်း လေကြောင်းကနေ ၂ခါလာပစ်တယ်။ရန်ကြီးအောင်စခန်းက လက်နက်ခဲယမ်းနည်းနေတော့ ပုဇဉ်းပေါ်ကနေလေထီးနဲ့လက်နက်ခဲယမ်းတွေလာချတယ်။ကျွန်တော်တို့ ပူးပေါင်းတပ်ဖွဲ့ဝင်တွေကလည်း ကောက်ရတာတွေရှိတယ်”လို့ CNDF တပ်မဟာ (၁) တာဝန်ရှိသူတစ်ယောက်ကပြောပါတယ်။

ရန်ကြီးအောင်ကျေးရွာဟာ ကလေး-ဂန့်ဂေါကားလမ်းဘေး သံဖိုကျေးရွာအနီးမှာရှိပါတယ်။

ယမန်နေ့မှာပဲ ကလေးမြို့နယ် တောင်ပိုင်းနဲ့ မြောက်ပိုင်း နှစ်ဖက်လုံးမှာ ထိတွေ့တိုက်ပွဲများဖြစ်ပွါးမှုများရှိခဲ့ပြီး ကလေးနယ်မြောက်ပိုင်းမှာလည်း PDF-KALAY တပ်ဖွဲ့ဝင်တစ်ဦးနဲ့ ပြည်သူ၂ဦးသေဆုံးခဲ့တယ်လို့လည်း သိရပါတယ်။

သတင်း- HAK

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်