၁၇ ၊အောက်တိုဘာ၊၂၀၂၄
Zalen
မကွေးတိုင်းဒေသကြီး၊ဂန့်ဂေါမြို့နယ်အတွင်းရှိ ဇဟောကျေးရွာကို အောက်တိုဘာ ၁၆ ရက် မနေ့က ခလရ ၅၀ တပ်ရင်းရှိစစ်ကောင်စီတပ် ဖွဲ့၀င်များက လက်နက်ကြီး ၁၂၀ မမတွေရမ်းသမ်းပစ်ခတ်ခဲ့တယ်လို့သိရပါတယ်။
အဆိုပါလက်နက်ကြီး တွေရမ်းသမ်းပစ်ခတ်မှုကြောင့် ဇဟောကျေးရွာက အသက် ၅၃ နှစ်အရွယ်အမျိုးသမီး တစ်ဦးပေါင်နှစ်ဖက်လုံးထိခိုက်ပြီးဒဏ်ရာရရှိခဲ့တယ်လို့သိရပါတယ်။
“မနေ့က ညနေ ၅ နာရီ ၄၀မိနစ်အချိန်လောက်မှာပါ။ ရွာထဲလည်းကျတယ် ၊ရွာပြင်ရော လက်နက်ကြီးက ၉ လုံးရှိတယ်၊ရွာပြင်မှာပေါင်းထိုးတဲ့ အမျိုးသမီးတစ်ဦး ထိသွားတယ်ဗျ” လို့ ပကဖ တာ၀န်ခံတစ်ဦးက Zalen ကိုပြောပါတယ်။
ဇဟောကျေးရွာကို ခလရ ၅၀တပ်ရင်းက လက်နက်ကြီးတွေရမ်းသမ်းပစ်ခတ်မှုကြောင့်
ထိခိုက်ဒဏ်ရာရရှိသူ ၁၀ ဦးနီးပါးအထိရှိလာခဲ့တယ်လို့သိရပါတယ်။
သတင်း – ယောနေ
