ဆမီးမြို့ ရဲစခန်းက ရဲတပ်ဖွဲ့ဝင် ၄ ဦး CDF ပလက်ဝထံ အလင်းဝင်

၁၅၊ ဒီဇင်ဘာ၊ ၂၀၂၃

Zalen

ချင်းပြည်နယ်၊ ပလက်ဝမြို့နယ်၊ ဆမီးမြို့က ရဲတပ်ဖွဲ့ဝင် ၄ ဦးဟာ ချင်းနယ်မြေကာကွယ်ရေးတပ်ဖွဲ့-ပလက်ဝထံ လက်နက်အပြည့်စုံဖြင့် အလင်းဝင်လာတယ်လို့ CDF(ပလက်ဝ)ထံက သိရှိရပါတယ်။

အဲ့ဒီ ရဲတပ်ဖွဲ့ဝင် ၄ ဦးဟာ ဆမီးမြို့ အမှတ် ၂ ရပ်ကွက် ရဲစခန်းမှ ရဲတပ်ဖွဲ့ဝင်တွေဖြစ်ပြီး ဒီဇင်ဘာ ၁၂ ရက်နေ့က CDF-ပလက်ဝထံ လက်နက်အပြည့်စုံနဲ့ အလင်းဝင်ရောက်လာပြီး ၎င်းတို့ကို ဘေးကင်းလုံခြုံတဲ့ နေရာသို့ပို့ဆောင်ပေးခဲ့တယ်လို့ CDF ပလက်ဝက Zalen ကိုပြောပါတယ်။

” ဆမီး ရဲစခန်းက ရဲ ၄ ဦး လက်နက်အပြည့်စုံနဲ့ ၁၂ ရက်နေ့က ကျွန်တော်တို့ CDF ပလက်ဝထံ အလင်းဝင်လာပါတယ်။ အဲ့ဒီ ရဲတပ်ဖွဲ့ဝင် ၄ ဦးဟာ ဘယ်သေနတ်အမျိုးနဲ့ ဘယ်ရာထူးလဲဆိုတာတော့ မသိရသေးဘူး။ အခုသူတို့ကို လုံခြုံတဲ့နေရာ ရောက်ပြီးလို့ ပြောပါတယ်။ အသေးစိတ်တော့ နောက်မှ အဖွဲ့က ထုတ်ပြန်မယ်ထင်တယ်။” ဟု ဆိုပါတယ်။

ပြီးခဲ့တဲ့ ဒီဇင်ဘာ ၁၃ ရက်နေ့က ၎င်းရဲတပ်ဖွဲ့ဝင် ၄ ဦးဟာ သေနတ် ၄ လက်နဲ့ ထွက်ပြေးသွားတယ်လို့ဆိုကာ ဆမီးရဲစခန်းနဲ့ ဆမီးဗျူဟာကုန်းက စစ်ကောင်စီတပ်ဖွဲ့တွေဟာ မြို့အနှံလိုက်ရှာသေးတယ်လို့ ဒေသခံတွေထံက သိရပါတယ်။

ဒါ့အပြင် CDF ပလက်ဝထံ နိုဝင်ဘာ ၂၉ ရက်နေ့က ရှင်းလက်ဝ တပ်စခန်းက စစ်ကောင်စီတပ်ဖွဲ့ ၂ ဦး၊ ဒီဇင်ဘာ ၇ ရက်နေ့က ရှင်းလက်ဝ ရဲစခန်းက ရဲတပ်ဖွဲ့ဝင် ၈ ဦး စုစုပေါင်း ၁၀ ဦး အလင်းဝင်လာပါတယ်။

သတင်း- ခူမီး

နောက်ဆုံးရသတင်းများ

ကလေးမြို့နယ်မှာ တစ်ရက်အတွင်း အရပ်သား လေးဦး ပစ်သတ်ခံရ၊ တစ်ပတ်အတွင်း သေဆုံးသူ ၁၄ ဦးအထိ ရှိလာ

၂၈၊ ဖေဖော်ဝါရီ၊ ၂၀၂၄ စစ်ကိုင်းတိုင်း၊ ကလေးမြို့နယ်မှာ ဖေဖော်ဝါရီ ၂၇ ရက်နေ့ တစ်ရက်တည်းမှာပဲ စစ်ကောင်စီတပ်က ပစ်ခတ်သတ် ဖြတ်လို့ အရပ်သား လေးဦး သေဆုံးခဲ့ပြီး ဖေဖော်ဝါရီ ၂၁ရက်နေ့ကနေ ၂၇ ရက်နေ့အထိ တစ်ပတ် ...

ဆက်ဖတ်ရန်