တွန်းဇံမြို့နယ်တွင် ညီအစ်မနှစ်ယောက် နာရီပိုင်းအတွင်း ရုတ်တရက် သေဆုံးမှုဖြစ်ပွား

ချင်းပြည်နယ်၊ တွန်းဇံမြို့နယ်နေ ၂ နှစ်ခွဲအရွယ်ကလေးနဲ့ ၁၃ နှစ်အရွယ်အစ်မဖြစ်သူတို့ မနေ့ ဇွန်လ ၁၃ ရက်တွင် နာရီပိုင်းအတွင်း သေဆုံးသွားကြတယ်လို့ သိရပါတယ်။

တွန်းဇံမြို့နယ်၊ Vaivet (Cizam) ကျေးရွာနေ၂ နှစ်ခွဲအရွယ် Lia Lun Deih San(မလွန်ဒိမ့်စန်)မှာ ဇွန် ၁၃ ရက်၊ မနက် ၁ နာရီခန့်က ကိုယ်ပူပြီးနောက် မနက် ၃ နာရီခွဲမှာ ဆုံးပါးသွားခဲ့တာလို့ သိရပါတယ်။

ယင်းနောက် အစ်မဖြစ်တဲ့ ူia Cing Huai Kim (မကျင်ဟောင်ကိမ်) ၁၃ နှစ်မှာလည်း နာရီပိုင်းအတွင်းရုတ်တရက်ကိုယ်ပူရှိန်တက်ကာ မနက် ၁၀ နာရီမှာ သေဆုံးသွားခဲ့တယ်လို့ ဆိုပါတယ်။

၎င်းတို့ ညီအစ်မတွေဟာ Pa Gin Lal Thang (ဦးဂင်လာမ်ထန်) နဲ့ Nu Lal Tul Sawm Cing (ဒေါ်လာမ်တူဆောမ်းကျင်) တို့ရဲ့ သမီးတွေဖြစ်ကြပြီး တွန်းဇံဆေးရုံသို့ ပို့ခဲ့ပေမယ့် အသက်မမီတော့ကြောင်း မိသားစုဝင်တွေဆီက သိရပါတယ်။ ဘာရောဂါနဲ့ သေဆုံးသွားသလဲဆိုတာအတိအကျမသိပေမယ့် ရာသီဥတုအပြောင်းအလဲကနေ ရုတ်တရက်ကိုယ်ပူရှိန်တက်လာရာမှ ဆုံးပါးသွားခြင်းဖြစ်ပြီး ဒီနေ့ ဇွန် ၁၄ ရက်တွင် သဂြိုဟ်ကြတယ်လို့ ဆိုပါတယ်။

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်