ဖလမ်းမြို့ပေါ်မှာ CNDF ကပစ်ခတ်လို့ စစ်ကောင်စီတပ်ဖွဲ့ဝင်တစ်ဦး ဒဏ်ရာရ

၂၄၊မေလ၊ ၂၀၂၄

Zalen

ချင်းပြည်နယ်၊ ဖလမ်းမြို့ပေါ်ရှိ စစ်ကောင်စီတပ်ဖွဲ့ဝင်များကို ချင်းအမျိုးသား ကာကွယ်ရေးတပ်ဖွဲဲ့ CNDF က ပစ်ခတ်လို့ စစ်ကောင်စီတပ်ဖွဲ့ဝင် တစ်ဦး ထိခိုက်ဒဏ်ရာရခဲ့တယ်လို့ သိရပါတယ်။

မနေ့ မေလ ၂၃ ရက် ညနေ ၃နာရီဝန်းကျင်မှာ ဖလမ်းမြို့ပေါ် ဆောက်လုပ်ရေးရုံး နားမှာရှိတဲ့ စစ်ကောင်စီ တပ်ဖွဲ့ဝင်များကို သွားရောက်ပစ်ခတ်ခဲ့တာဖြစ်ပြီး စစ်ကောင်စီတပ်ဖွဲ့ဝင်တစ်ဦး ပခုံးမှာ ဒဏ်ရာရခဲ့တယ်လို့ သိရပါတယ်။

“မနေ့ညနေ ၃ နာရီဝန်းကျင်မှာ ဆောက်လုပ်ရေးရုံး နားမှာရှိတဲ့ စစ်ကောင်စီတပ်ဖွဲ့ဝင်တွေကို သွားရောက် ပစ်ခတ်တာပါ။ စကစ တစ်ယောက် ပခုံး ထိပြီးတော့ဒဏ်ရာရသွားတယ်။ ကျွန်တော်တို့ဘက် အထိအခိုက်မရှိ ပြန်ဆုတ်နိုင်တယ်။ CNDF ဘက်က သွားရောက် ချောင်းမြောင်းပစ်ခတ်တာဖြစ်ပြီး တော့ ပစ်ခတ်ချိန်လည်း သိပ်မကြာဘူး”လို့ CNO/CNDF ပြန်ကြားရေး တာဝန်ခံက Zalen ကိုပြောပါတယ်။

ပြီးခဲ့တဲ့ မေလ ၁၃ ရက်တုန်းကလည်း မြို့စစ်ဆင်ရေး အတွက်မိုင်းထောင်ဖို့ သွားတဲ့ CNDF ရဲဘော်များနဲ့ စစ်ကောင်စီတပ်ဖွဲ့ဝင်တွေကြား ထိတွေ့ပစ်ခတ်မှုဖြစ်ခဲ့ပြီး စစ်ကောင်စီတပ်ဖွဲ့ဝင် တစ်ဦးသေဆုံးခဲ့တယ်လို့သိရပါတယ်။

သတင်း- Mickey

နောက်ဆုံးရသတင်းများ

ကနေဒီတောင် တပ်စခန်းကို ချင်းလဲန်းကောင်စီတပ်ဖွဲ့ PDA အဖွဲ့ ထိန်းချုပ်ထား

၂၂၊ ဇွန်၊  ၂၀၂၄ Zalen ချင်းပြည်နယ်၊ တီးတိန်မြို့နယ် ကနေဒီတောင်ပေါ်က စစ်ကောင်စီတပ်စွဲထားခြင်းမရှိတဲ့ စခန်းကို ဇွန်လ ၂၂ ရက်နေ့မှာ ချင်းလဲန်း ကောင်စီတပ်ဖွဲ့ ပြည်သူ့ကာကွယ်‌ရေးတပ်မတော် (People Defence Army) အဖွဲ့က ဝင်ရောက်ထိန်းချုပ်ထားတယ်လို့ ...

ဆက်ဖတ်ရန်