၇၊စက်တင်ဘာ၊၂၀၂၄
Zalen
ချင်းပြည်နယ်၊မင်းတပ်မြို့နယ်၊တိုက်နယ်အမှတ် ၂ ချပ်ကျေးရွာနဲ့ ၃၇ မိုင်ကြားကိုစစ်ကောင်စီက ဒီကနေ့မနက်အစောပိုင်း၃နာရီ၄၅မိနစ်အချိန်မှာလေကြောင်းတိုက်ခိုက်မှု ပြုလုပ်ခဲ့တယ်လို့သတင်းရရှိပါတယ်။
လေကြောင်းတိုက်ခိုက်မှုတွင် စစ်ကောင်စီက ပေါင် ၅၀၀ အား ဗုံးနှစ်လုံးအပြင် ပေါင် ၂၀၀အားရှိတဲ့ ဗုံးသီး ရှစ်လုံးအထိ အသုံးပြုတိုက်ခိုက်ခဲ့လို့ ကားလမ်းပျက်စီးတဲ့အပြင် အခြားပျက်စီးမှုများလည်းရှိတယ်လို့သိရပါတယ်။
အဆိုပါလေကြောင်းတိုက်ခိုက်မှုနဲ့ပတ်သက်လို့ဒေသ ခံတစ်ဦးက” မနက်အိပ်မောကျတဲ့အချိန်မှာလာပစ်သွားတာ၊ မနက်မှာသတင်းကြားရတာတော့ကားလမ်း နှစ်နေရာပျက်တယ်လို့ပြောကြတယ်။ ကျန်တာတော့သေချာမသိရဘူး။ ဗုံးကြဲတာတော့အများကြီးပဲ။ အဲဒီနားမှာတောင်ယာတွေလည်းရှိတော့စိုးရိမ်ရတယ်”လို့ Zalen ကိုပြောပါတယ်။
စက်တင်ဘာလ ၆ ရက်နေ့မနက်အစောပိုင်းမှာ တိုက်နယ်အမှတ် ၄ ဘက်ရှိ ရှိမ်းကျေးရွာကို စစ်ကောင်စီကလေကြောင်းဖြင့် အကြမ်းဖက်တိုက်ခိုက်မှုကြောင့် အရပ်သားပြည်သူတစ်ဦးထိခိုက်ဒဏ်ရာရရှိခဲ့တာဖြစ်ပါတယ်။
အကြမ်းဖက်စစ်ကောင်စီတပ်ကမင်းတပ်မြို့ပေါ်ရှိစစ်ကောင်စီတပ်ဖွဲ့၀င်များအား ရိက္ခာအင်အား၊လက် နက်၊ခဲယမ်းအင်အားများကိုအဆက်မပြတ်ဖြည့် တင်း နေသလို၊ ကျေးရွာတွေဘက်ကိုလေကြောင်းတိုက်ခိုက်မှုများလည်းဆက်တိုက်ပြုလုပ်နေတယ်လို့သိရပါတယ်။
သတင်း – မိုးပီအောင်
