ခမ်းပတ် ရဲစခန်း နဲ့ ရာဇဂြိုလ်စစ်ကောင်စီစခန်း သိမ်းပိုက်

၃၊နိုဝင်ဘာ၊၂၀၂၃

Zalen

စစ်ကိုင်းတိုင်း၊ တမူးမြို့နယ် ခမ်းပတ်မြို့ ရဲစခန်းနဲ့ ကလေးမြို့နယ် ရာဇဂြိုလ်-၂ စခန်းကို ပြည်သူ့ကာကွယ်ရေးတပ်က ယနေ့ မနက်ပိုင်းတွင် သိမ်းပိုက်လိုက်ပြီလို့သတင်းရရှိပါတယ်။

ယနေ့ နိုဝင်ဘာ ၃ရက်နေ့ မနက် ၄နာရီဝန်းကျင်ကစ ကလေးမြို့နယ် မြောက်ပိုင်းနဲ့ တောင်ပိုင်းမှာ စခန်းသိမ်း တိုက်ပွဲပြင်းထန်နေတယ်လို့ဒေသခံများထံက သိရပါတယ်။

“မနက် ၄နာရီ ဝန်းကျင်ကတည်းက ရာဇဂြိုလ် ထောင်နားမှာ သေနတ်သံတွေစကြားရတယ်။ စစ်ကောင်စီဘက်ကလည်း လက်နက်ကြီးလည်း မနက် ၄နာရီကျော်ကတည်းက ထုနေတာ

လက်ပံချောင်းရွာဘက်ကောကျတယ်။ အနီးနားပြည်သူတွေလည်း ပြေးနေကြတယ်”လို့ ဒေသခံတစ်ဦးကပြောပါတယ်။

ကလေးမြောက်ပိုင်း ရာဇာဂြိုလ် အကျဉ်းထောင်နဲ့ တောင်ပိုင်းက မြောက်စည်းစခန်းကိုပြည်သူ့ကာကွယ်ရေးတပ်ဖွဲ့တွေက မနက် ၃နာရီကျော်လောက်ကစပြီး စတင်တိုက်ခိုက်တာဖြစ်တယ်လို့ ဒေသခံတွေကပြောပါတယ်။ ယနေ့မနက်စပြီး ခမ်းပတ်မြို့မှာလည်း တိုက်ပွဲဖြစ်ပွားပြီး ရဲစခန်းကိုတော့သိမ်းပိုက်လိုက်ပြီလို့ ဒေသခံများထံကသိရပါတယ်။

စစ်ကောင်စီဘက်က အထိနာလို့ ကလေးမြောက်ပိုင်း နန်းကျင်ဆောင်ရွာဟောင်းဘက်ကို

ဂျက်ဖိုက်တာနဲ့ မနက် ၈နာရီ ၅၇မိနစ်မှာ ဗုံးကြဲခဲ့သေးတယ်လို့ သိရပါတယ်။

လက်ပံချောင်းကျေးရွာထဲမှာ လက်နက်ကြီးကျရောက်ပေါက်ကွဲလို့ ဒေသခံတစ်ဦး ထိခိုက်ဒဏ်ရာရရှိတယ်လို့လည်းသိရတယ်။ ဒါ့ပြင် နန်းချောင်းရွာနဲ့ မျောက်ချောတောရွာထဲမှာလည်း လက်နက်ကြီးကျရောက်ခဲ့ပေမယ့် ထိခိုက်မှုမရှိပါ။ တိုက်ပွဲနဲ့ပတ်သက်ပြီး အထိခိုက်အကျဆုံးကိုတော့ ဆက်လက်အတည်ပြုနေဆဲဖြစ်ပါတယ်။

HAK

နောက်ဆုံးရသတင်းများ

ပလက်ဝမြို့နယ်က စစ်ကောင်စီရဲ့ တပ်မိသားစုဝင်တွေကို တပ်ပြင်ထွက်ခွင့်ပိတ်ပင်

၉၊ ဒီဇင်ဘာ၊ ၂၀၂၃ Zalen ချင်းပြည်နယ်၊ ပလက်ဝမြို့နယ်အခြေစိုက် ခလရ ၂၈၉ တပ်ရင်းရှိ တပ်ရင်းမှူးက တပ်မိသားစုဝင်တွေကို တပ်ပြင်ထွက်ခွင့် ပိတ်ပင်ထားတယ်လို့ သတင်းရရှိပါတယ်။ ပလက်ဝမြို့နယ်မှာ ပြီးခဲ့တဲ့ နိုဝင်ဘာ ၁၄ ရက်နေ့ကဖြစ်တဲ့ တိုက်ပွဲတွေကြောင့် ...

ဆက်ဖတ်ရန်