ခရီးသွားပြည်သူတွေရဲ့ဖုန်းဘီလ်ကို ဟားခါးရဲတပ်ဖွဲ့တွေ ခိုးယူလေ့ရှိ

ချင်းပြည်နယ်၊ ဟားခါးမြို့ကနေ ရန်ကုန်သို့သွားမယ့် ခရီးသည်တွေရဲ့ဖုန်းကိုစစ်ဆေးမယ်ဆိုကာ ဟားခါးရဲတပ်ဖွဲ့တွေက ဖုန်းဘီလ် ခိုးယူလေ့ရှိတယ်လို့ ခရီးသွားပြည်သူများထံကသတင်းရရှိပါတယ်။

ခရီးသွားပြည်သူတစ်ဦးက “ရန်ကုန်ကိုသွားမယ့် ခရီးသည်တွေကို စစ်ဆေးရေးဂိတ်မှာရပ်ခိုင်းပြီးတော့ ခရီးသည်တွေဖုန်းကို password ဖြုတ်ခိုင်းပြီးတော့ စစ်ဆေးကြတယ်။ သေသေချာချာစစ်ဆေးချင်လို့ဆိုပြီး ဖုန်းကို ရဲစခန်းထဲယူသွားပြီးတော့ အဲ့မှာ ဖုန်းဘီလ်တွေခိုးသွားကြတာ။ ကျနော်နဲ့အတူကားစီးတဲ့သူဆို ဒီမနက်က ၂သောင်းထည့်ထားတာ ခုတော့ ၅ထောင်ပဲကျန်တော့တယ်တဲ့။ ဒီလို ဖုန်းဘီလ်ခိုးခံတဲ့သတင်းကြားတာ အနည်းဆုံး သုံးကြိမ်လောက်ရှိပြီ။ ခရီးသွားအကုန်လုံးရဲ့ ဖုန်းဘီလ်ကိုတော့ မခိုးဘူး။ သူတို့ ဖုန်းဘီလ်မရှိတဲ့ချိန်ကြရင် ခိုးတာဖြစ်မယ်” လို့ပြောပါတယ်။

ချင်းပြည်နယ်မှာ ဟားခါးမြို့မှအပ ကျန်မြို့နယ်အားလုံး အင်တာနက်လိုင်းဖြတ်တောက်ထားပြီး ဒေတာအင်တာနက်ဖိုးကိုလည်း တိုးမြင့်တာကြောင့် အောက်ခြေလူတန်းစားများအတွက် အင်တာနက်သုံးဖို့ ခက်ခဲလာပါတယ်။

နောက်ဆုံးရသတင်းများ

ငလျင်ဒဏ်ကြောင့် နောက်ဆက်တွဲ အကျိုးဆက် ဘာတွေ ဖြစ်နိုင်လဲ

ဝသာန် ၂၀၂၅ ခုနှစ် မတ်လ(၂၈)ရက်နေ့က မြန်မာနိုင်ငံမှာ (၇.၇)စကေးရှိတဲ့ အပြင်းထန်ဆုံး ငလျင်ဘေး‌ဒါဏ်ကို ခံစားခဲ့ရတယ်။အဆိုပါ ငလျင်ဘေးဒါဏ်ကနေ ကယ်ဆယ်ရေးလုပ်ငန်းတွေ လုပ်ဆောင်နေတာ (၁၀)ရက်ရှိသွားပေမယ့် ပြန်လည်ထူထောင်ရေးအတွက် အကူအညီလိုအပ်နေတုန်းပါပဲ။ မြန်မာနိုင်ငံကို နိုင်ငံတကာက အကူအညီအနေနဲ့ အမေရိကန်ဒေါ်လာ(၁၃၆.၈၈)သန်း ရရှိထားတယ် ...

ဆက်ဖတ်ရန်