စစ်ကောင်စီရဲ့ လေကြောင်းတိုက်ခိုက်မှုတွေကြောင့် အနည်းဆုံး ပြည်သူ ၂၈၁ ဦးသေဆုံးခဲ့တယ်လို့ ကုလအစီရင်ခံစာဖော်ပြ

ချစ်ခြင်းနွေ

၂၇၊ စက်တင်ဘာ၊ ၂၀၂၃

စစ်တပ်အာဏာသိမ်းပြီးနောက် နှစ်နှစ်ကျော်အတွင်း စစ်ကောင်စီတပ်က လေကြောင်းကနေ အကြိမ် တစ်ထောင်နီးပါး တိုက်ခိုက်မှုတွေ လုပ်ခဲ့ပြီး အဲဒီတိုက်ခိုက်မှုတွေကြောင့် မြန်မာပြည်သူ အနည်းဆုံး ပြည်သူ  ၂၈၁ ဦး သေဆုံးခဲ့တယ်လို့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး OHCHR ရဲ့ စက်တင်ဘာလ အစီရင်ခံစာမှာဖော်ပြပါတယ်။

ဒီအစီရင်ခံစာကို ဆွစ်ဇာလန်နိုင်ငံ ဂျီနီဗာမြို့မှာ စက်တင်ဘာ ၁၁ ရက်ကနေ အောက်တိုဘာ ၆ ရက်နေ့အထိကျင်းပနေတဲ့ ကုလသမဂ္ဂ လူ့အခွင့်အရေးကောင်စီရဲ့ (၅၄) ကြိမ်မြောက် အစည်းအဝေးမှာ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီးရုံး OHCHR က တင်ပြထားတာဖြစ်ပါတယ်။

ပြီးခဲ့တဲ့၂၀၂၁ ခုနှစ်၊ ဖေဖော်ဝါရီ ၁ ရက်ကနေ ၂၀၂၂ ခုနှစ်၊ မတ်လ ၃၁ ရက်နေ့အထိ လေကြောင်းတိုက်ခိုက်မှု ၃၀၁ ကြိမ်၊ ၂၀၂၂ ခုနှစ် ဧပြီလကနေ ၂၀၂၃ ခုနှစ် ဇူလိုင်လအထိ လေကြောင်းတိုက်ခိုက်မှု  ၆၈၇ ကြိမ် စုစုပေါင်း ၉၈၈ ကြိမ် လေကြောင်းကနေ တိုက်ခိုက်ခဲ့တယ်လို့ ကုသမဂ္ဂရဲ့ အစီရင်ခံစာမှာ ဖော်ပြထားပါတယ်။

အဲဒီလေကြောင်းတိုက်ခိုက်မှုတွေကြောင့် နိုင်ငံအလယ်ပိုင်း ဒေသတွေမှာ ပြည်သူ ၂၁၆ ဦးသေဆုံးခဲ့ပြီး လေကြောင်းတိုက်ခိုက်ခံရမှုအများဆုံးက စစ်ကိုင်းတိုင်းမှာဖြစ်ပြီး  ၂၅၈ ကြိမ်အထိ တိုက်ခိုက်ခံခဲ့ရတယ်လို့ အစီရင်ခံစာက ဆိုပါတယ်။

ဒါ့အပြင် လေကြောင်းတိုက်ခိုက်မှုတွေကြောင့် နိုင်ငံအနောက်မြောက်ပိုင်းမှာ ပြည်သူ ၂၅ ဦး၊ အရှေ့တောင်ပိုင်းမှာ ပြည်သူ ၂၁ ဦးနဲ့ အရှေ့မြောက်ပိုင်းမှာ ပြည်သူ ၁၉ ဦးသေဆုံးခဲ့တယ်လို့ အစီရင်ခံစာမှာဖော်ပြပါတယ်။

စစ်ကောင်စီတပ်ရဲ့ လေကြောင်းကနေ ဗုံးကြဲတာ၊ လက်နက်ကြီးနဲ့ ပစ်ခတ် တိုက်ခိုက်မှုတွေဟာ အာဏာသိမ်းပြီးတစ်နှစ်အတွင်း လေကြောင်းတိုက်ခိုက်မှု နဲ့နှိုင်းယှဉ်ရင် သိသိသာသာမြင့်တက်လာတယ်လို့ အစီရင်ခံစာမှာ ထောက်ပြထားပါတယ်။

နောက်ဆုံးရသတင်းများ

သိုင်းငင်းရွာက ဗိုလ်ရုံအပါအဝင်နေအိမ်တွေကို စစ်ကောင်စီတပ်က မီးရှို့

၂၂၊ ဇွန်၊ ၂၀၂၄ Zalen ချင်းပြည်နယ်၊ တီးတိန်မြို့နယ် သိုင်းငင်းကျေးရွာက နေအိမ်တွေကို ဇွန် ၂၁ရက်နေ့ကစပြီး စစ်ကောင်စီတပ်က မီးရှို့နေတယ်လို့ ဒေသခံတွေက ပြောပါတယ်။ သိုင်းငင်းကျေးရွာမှာ စစ်ကောင်စီတပ်နဲ့ ချင်းတော်လှန် ရေးအဖွဲ့တို့ အကြား ယနေ့ဇွန် ...

ဆက်ဖတ်ရန်