ချင်းပြည်နယ်၊ ထန်တလန်မြို့နဲ့ CDF စခန်းပေါ်သို့ စစ်ကောင်စီတပ်က တိုက်လေယာဉ်တစ်စီးဖြင့် ယနေ့ ဇန်နဝါရီ ၅ရက်၊ ညနေပိုင်း ၃နာရီခန့်တွင် ၃ ကြိမ်ဗုံးကြဲတိုက်ခိုက်ကြောင်းသတင်းရရှိပါတယ်။
“ထန်တလန်မြို့ပေါ်ကို ၂ကြိမ် ဗုံးကြဲပြီးတော့ ထန်တလန်မြို့အနီးက Vuichip တောင်ကို နောက်တစ်ကြိမ် ကြဲသွားတယ်” လို့ အနီးနားရွာဒေသခံတစ်ဦးက ဆိုပါတယ်။
၂၀၂၂ ခုနှစ် ဒီဇင်ဘာ ၃၀ရက်နေ့ကစပြီး ယခုနှစ် ဇန်နဝါရီလအထိ ထန်တလန်မြို့တွင် စစ်ကောင်စီနဲ့ CDF၊ CNA ပူးပေါင်းတပ်ဖွဲ့ကြားတိုက်ပွဲများဖြစ်ပွားလျက်ရှိပါတယ်။
ဇန်နဝါရီ ၁ရက်နေ့က ထန်တလန်မြို့တွင်း စစ်ကောင်စီတပ် အခြေစိုက်သည့် နေရာတစ်ခုကို CDF နဲ့ CNA ပူးပေါင်းတပ်ဖွဲ့က ဝင်ရောက်တိုက်ခိုက်ခဲ့ပြီး ယင်းည ၁၀နာရီခွဲခန့်တွင် ထန်တလန်မြို့အနီးရှိ Vuichip တောင်ကို စစ်ကောင်စီတပ်က တိုက်လေယာဉ်နဲ့ ၂ကြိမ် ဗုံးကြဲတိုက်ခိုက်ခဲ့ပါတယ်။
စစ်ကောင်စီတိုက်လေယာဉ် တိုက်ခိုက်မှုကြောင့် CDF၊ CNA ပူးပေါင်းတပ်ဖွဲ့ဖက်က ထိခိုက်ကျဆုံးမှု ရှိ၊ မရှိ မသိရှိရသေးပါ။
