ထိုင်းနိုင်ငံမှာကားမှောက်ပြီးသေဆုံးတဲ့ ချင်းအမျိုးသား၃ ဦးအလောင်းကို မဲဆောက်မြို့မှာ ယနေ့ သဂြိုလ်

မလေးရှားသို့ တရားမဝင်ဖြင့်သွားနေစဉ် ထိုင်းနိုင်ငံမှာ သြဂုတ် ၁၇ ရက် ကားတိမ်းမှောက်ပြီး ချင်းအမျိုးသား ၃ ဦးနဲ့ ရခိုင်အမျိုးသား ၁ ဦးသေဆုံးတယ်လို့သတင်းရရှိပါတယ်။

၎င်းတို့ရုပ်အလောင်းကို မြန်မာပြည်သို့ပြန်သယ်ဆောင်လို့မရတာကြောင့် မြန်မာနဲ့အနီးဆုံး မဲဆောက်မြို့က မဲ့ကဆာ ခရစ်ယာန်င်္သချိုင်းမှာ မင်္ဂလာခရစ်ယာန်အသင်းတော်က တာဝန်ယူပြီး ယနေ့သြဂုတ် ၂၈ ရက် ထိုင်းစံတော်ချိန် ၂ နာရီတွင်မြေမြုပ်သဂြိုလ်ကြပါတယ်။

သေဆုံးသူတွေဟာ ကလေးမြို့၊ အင်ဒိုင်းကုန်းရပ်ကွက်က တစ်နှစ်အရွယ်ကလေးတစ်ယောက်ရဲ့ဖခင် Pa Hu Lian (၂၆ နှစ်)၊ ကလေးမြို့နယ် သံဖိုရွာသား ကလေး နှစ်ယောက်ရဲ့ဖခင် ဦး Za Nei Khup (၃၀နှစ်) နဲ့ ရန်ကုန်က ကိုကျော်လင်းနိုင် (၂၇နှစ်)တို့ဖြစ်ပါတယ်။ ရခိုင်အမျိုးသားရဲ့အလောင်းကတော့ ဗုဒ္ဓဘာသာထုံးစံအတိုင်း မီးရှို့သဂြိုလ်ကြမယ်လို့သိရတယ်။

၎င်းတို့နဲ့အတူ ကားတစ်စီးပေါ်မှာ လူ ၃၃ ယောက်လိုက်ပါလာပြီး သစ်ပင်တိုက်မိရာမှကားတိမ်းမှောက်ကာ နေရာမှာ ၃ ဦးပွဲချင်းသေဆုံးပြီးဆေးရုံမှာ တစ်ဦးထပ်မံသေဆုံးတယ်လို့သိရတယ်။ ဒဏ်ရာသက်သာတဲ့သူတွေကတော့ အကုန်လုံးထွက်ပြေးကြတယ်လို့လည်းသိရတယ်။

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်