မြောက်ဦးနဲ့ ကျောက်တော်က စစ်ကောင်စီတပ်ရင်းနှစ်ခုကို AA သိမ်းပိုက်

၆၊ ဖေဖော်ဝါရီ၊ ၂၀၂၄

Zalen

ရခိုင်ပြည်နယ်၊ မြောက်ဦးမြို့အခြေစိုက် စစ်ကောင်စီရဲ့ အမှတ် (၃၇၈) ခြေမြန်တပ်ရင်းနဲ့ ကျောက်တော်မြို့ အခြေစိုက် စကခ (၉) လက်အောက်ခံ ခမရ – ၃၇၆ တပ်ရင်းတွေကို ရက္ခိုင့်တပ်တော် (AA)က သိမ်းပိုက်နိုင်ခဲ့တယ်လို့ ဖေဖော်ဝါရီ ၅ရက်နေ့ညပိုင်းက ညီနောင်သုံးဖွဲ့က ထုတ်ပြန်ပါတယ်။

မြောက်ဦး အခြေစိုက် စစ်ကောင်စီရဲ့ အမှတ် (၃၇၈) ခြေမြန်တပ်ရင်းကို ဖေဖော်ဝါရီလ ၅ ရက် မနက်ပိုင်းက သိမ်းပိုက်နိုင်ခဲ့ပြီးကျောက်တော်အခြေစိုက် စကခ (၉) လက်အောက်ခံ ခမရ – ၃၇၆ တပ်ရင်းကိုလည်း ဖေဖော်ဝါရီလ ၂ ရက်နေ့က သိမ်းပိုက်နိုင်ခဲ့တယ်လို့ ဆိုပါတယ်။

မြောက်ဦးမြို့ အခြေစိုက် စစ်ကောင်စီတပ်ရင်းတွေထဲမှာ ခမရ-၃၇၈ နဲ့ ခမရ – ၅၄၀ ကို AA က သိမ်းပိုက်ထားနိုင်ခဲ့ပြီး ခမရ-၃၇၇ တပ်ရင်းတစ်ခုသာ ကျန်ရှိတော့တာပါ။

ညီနောင်သုံးဖွဲ့ရဲ့ ထုတ်ပြန်ချက်တွေအရ ရခိုင်ပြည် နယ်၊ ကျောက်တော်၊ မြောက်ဦးနဲ့ မင်းပြားမြို့နယ်တွေမှာ ရက္ခိုင့်တပ်တော် (AA) က သိမ်းပိုက်ထားတဲ့ စစ်ကောင်စီတပ်ရင်း ခြောက်ရင်းအထိ ရှိလာပြီဖြစ်ပါတယ်။

တောင်ပြို(လက်ဝဲ)စခန်းကို ဆက်လက်တိုက်ခိုက်နေပြီး အဲဒီစခန်းက စစ်ကောင်စီတပ်ဖွဲ့၀င်တွေဟာ ဘင်္ဂလားဒေ့ရ်ှနိုင်ငံဘက်ကို ထပ်မံထွက်ပြေးခဲ့တယ်လို့ ညီနောင်သုံးဖွဲ့က ထုတ်ပြန်ထားပါတယ်။

ရခိုင်ပြည်နယ်မှာ အညံ့မခံတဲ့ စစ်ကောင်စီစခန်းတွေကို ဆက် ထိုးစစ်ဆင် ချေမှုန်းမယ်လို့ AAက ‌ကြေညာထားပါတယ်။စစ်ကောင်စီတပ်နဲ့ ရက္ခိုင့်တပ်တော် (AA) တို့အကြား တိုက်ပွဲတွေဟာ ၂၀၂၃ ခုနှစ် နိုဝင်ဘာလကစလို့ ဖြစ်ပွားနေပြီး AA က ချင်းပြည်နယ် ပလက်ဝမြို့နယ်ကို သိမ်းပိုက်ထားပါတယ်။

နွေဦးချယ်ရီ

နောက်ဆုံးရသတင်းများ

ကလေးမြို့မှာ ဖုန်းအတွင်း VPN ဆော့ဝဲလ်တွေ့မှုနဲ့ ဒေသခံတွေကို စစ်ကောင်စီက ဒဏ်ရိုက်

၁၄၊ ဇွန်၊ ၂၀၂၄ Zalen စစ်ကိုင်းတိုင်း၊ ကလေးမြို့ ရပ်ကွက်တွေနဲ့ လမ်းဆုံလမ်းခွနေရာတွေမှာ ဇွန်လ ၁၃ ရက်နေ့က လမ်းသွားလမ်းလာတွေရဲ့ လက်ကိုင်ဖုန်းတွေကို စစ်ကောင်စီတပ်က စစ်ဆေးခဲ့ပြီး VPN (Virtual Private Network) ဆော့ဝဲလ်တွေ့ရှိလို့ ...

ဆက်ဖတ်ရန်