ရခိုင်က ချင်းကိုရင်များနှင့် ကျောင်းသူများလိုက်ပါလာသည့်ကားအား သံတွဲစစ်ဆေးရဂိတ်တွင် ဖြတ်သန်းခွင့် တားမြစ်ခံရ

 ရခိုင်ပြည်နယ်၊ ပုဏ္ဏားကျွန်းမြို့နယ်၊ အထက်မြက်လှဲကျေးရွာ ဘုန်းကြီးကျောင်းရှိ ကိုရင်အပါး ၃၁ အပါဝင် ကျေးရွာ ကျောင်းသူ ၁၃ ဦးလိုက်ပါလာသည့်ကားအား သံတွဲမြို့အထွက် စစ်ကောင်စီစစ်ဆေးရေးဂိတ်က ဖြတ်သန်းခွင့် တားမြစ်ပိတ်ပင်ခံရကြောင်း သတင်းရရှိသည်။

အဆိုပါ ကျောင်းသူ/သားများသည် ပညာသင်ရန် ခက်ခဲသည့် မိသားစုဝင်များဖြစ်၍ ရန်ကုန်မြို့ရှိ ပရဟိတကျောင်းတွင် ပညာသွားသင်ရန် အသက် ၁၅ နှစ်အောက် ကလေးငယ်များဖြစ်သည်။

ချင်း (ခမီး)ဆရာတော် ချစ်လူ(တက္ကသိုလ်)က ” ကလေးတွေက မိဘတွေ မရှိ၊ ရှိတဲ့ကြားက လမ်းစရိတ်တွေ ရှာကြံပြီး သူတို့ရဲ့ ကလေးတွေ ပညာတက်ကြီးဖြစ်အောင်ဆိုပြီး ရန်ကုန်မြို့ ပရဟိတကျောင်းကို ပို့ထားတာ။ အသက်က မပြည့်သေးတော့ မှတ်ပုံတင်လည်း မရှိဘူး၊ ရပ်ကွက်ထောက်ခံစာ ပါတယ်၊ ဘုန်းကြီးကျောင်းထောက်ခံချက်လည်းပါတယ်၊ မြို့နယ်ရဲစခန်းက အသက်မပြည့်တဲ့ ကလေးတွေဆိုပြီး ရဲထောက်ခံချက်မလိုဘူး ဆိုပြီး မပေးဘူး” ဟု ၎င်းလူမှုကွန်ယက်စာမျက်နှာပေါ်တွင် မျှဝေထားသည်။

တားမြစ်ခံထားရသည့် ကျောင်းသူထဲတွင် အသက် ၈ နှစ်အရွယ်မှ ၁၅ အရွယ်များဖြစ်ပြီး၊ အသက်မပြည်သေးသည့် ကလေးငယ်များဖြစ်၍ ပုဏ္ဏးကျွန်းမြို့မရဲစခန်းက ရဲစခန်းထောက်ခံချက်မလိုအပ်ဘဲ ယခုလို ထောက်ခံချက်မပေးလိုက်ကြောင်း သိရှိရသည်။

 ” ညနေ့ ၄ နာရီလောက်က သံတွဲမြို့မ လ.ဝ.ကရုံး နဲ့ ပုဏ္ဏားကျွန်းမြို့မရဲစခန်းတို့ အချိတ်ဆက်လုပ်လို့ အခုတော့ ဂိတ်ဖြတ်ခွင့်ရပြီး” လို့ ချင်း(ခမီး)ဆရာတော်ချစ်လူ (တက္ကသိုလ်)က မိန့်ကြားထားပါသည်။

နောက်ဆုံးရသတင်းများ

CDF-Matupi တပ်ရင်း အမှတ် ၆ အိုင်ခါခ်တပ်ရင်း နဲ့ CDF-Matupi လင်းယုန်တပ်ရင်းတို့က Chinland Council နဲ့ ချင်းညီနောင်တို့ကို ထောက်ခံကြကြောင်း အသီးသီးထုတ်ပြန်

၁၂၊ မေလ၊ ၂၀၂၄ Zalen ချင်းပြည်နယ်၊ မတူပီမြို့နယ် အတွင်းမှာ အခြေစိုက်တဲ့ ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ ၂၊ တပ်ရင်း အမှတ် ၆၊ အိုင်ဒါခ်တပ်ရင်းက Chinland Council ကိုအပြည့်အဝထောက်ခံတယ်လို့ မေလ ...

ဆက်ဖတ်ရန်