သားသမီး ၃ ယောက်ကို သေဆုံးတဲ့အထိ ရိုက်နှက်မှုကြောင့် ထိုင်းအမျိုးသားတရားစွဲခံရ

Willings

၂၆၊ စက်တင်ဘာလ၊၂၀၂၃

ထိုင်းနိုင်ငံက အမျိုးသားတစ်ဦးဟာ ၎င်းရဲ့ ၂ နှစ်အရွယ် သမီးလေးနဲ့ မွေးကင်းစ သားလေး ၂ ဦးကိုသေဆုံးတဲ့အထိ ရိုက်တာကြောင့် ရဲတပ်ဖွဲ့က တရားစွဲမှုခံရပါတယ်။

တရားခံဖြစ်သူ ဆုန်ဆပ်ဆုန်ဆဲန်က အရင်မိန်းမနဲ့ ရခဲ့တဲ့ သားလေး ၂ ဦးကို သေတဲ့အထိ ရိုက်နှက်လိုက်တာဖြစ်ပါတယ်။ အိမ်ရဲ့ မီးဖိုချောင်ကြမ်းပြင်မှာ သမီးလေးကို မြေမြှုပ်ခဲ့တဲ့ အကြောင်း ပြီးခဲ့တဲ့အပတ်တွင် ရဲများက တွေ့ရှိပြီးနောက် အခုလို တရားစွဲခံလိုက်ရတာဖြစ်ပါတယ်။

ရဲတပ်ဖွဲ့တွေရဲ့ ပြောဆိုချက်အရ ဆုန်ဆက်ဟာ စိတ်ပိုင်းဆိုင်ရာ ချို့ယွင်းချက်ရှိသူတစ်ယောက်ဖြစ်တယ် လို့လည်း ပြောပါတယ်။ သူကတော့ ကလေးတွေရဲ့ ငိုသံကို သည်းမခံနိုင်တာကြောင့် သတ်လိုက်တာလို့ ဆိုပါတယ်။ ဆုန်ဆက်ရဲ့ လက်ရှိအမျိုးသမီးကိုလည်း ၂ နှစ်အရွယ် သမီးလေးသေဆုံးမှုနဲ့ပတ်သက်ပြီး ရဲတပ်ဖွဲ့က ဖမ်းဆီးလိုက်ပြီး ၎င်းရဲ့ ဇနီးဟောင်းကိုလည်း သားလေး ၂ ယောက်သေဆုံးမှုအတွက် ဖမ်းဆီးထားကာ ၃ ဦးလုံးကို ရဲများက ဖမ်းဆီးထားပြီဖြစ်ပါတယ်။

ဆုန်ဆက်ကတော့ ၄ ကြိမ်အထိ အိမ်ထောင်ပြုထားသူတစ်ယောက်ဖြစ်ပါတယ်။ ဆုန်ဆက်ရဲ့ အိမ်နီးချင်းတွေရဲ့ တိုင်ကြားချက်အရ ၎င်းရဲ့ သမီး ၂ ယောက်ဖြစ်တဲ့ ၁၂ နှစ်အရွယ်နှင့် ၄ နှစ်အရွယ်တို့ဟာ အိမ်တွင်းအကြမ်းဖက်ခံရကြောင်း တိုင်ကြားခဲ့တာဖြစ်ပါတယ်။ ရဲတပ်ဖွဲ့ကတော့ သမီးလေး ၂ ယောက်ကို အိမ်တွင် မိဘမရှိခင် ကယ်တင်နိုင်ခဲ့ပါတယ်။ ၁၂ နှစ်အရွယ် သမီးလေးရဲ့ ပြောဆိုချက်အရ ၎င်းတို့ ဖခင်ဟာ ၂ နှစ်အရွယ် သမီးကို သတ်လိုက်တယ်လို့ ရဲတပ်ဖွဲ့ထံ ပြောပြခဲ့ပါတယ်။

သူကတော့ ရဲများကို ၂ နှစ်အရွယ် ညီမလေးမြှုပ်နှံထားတဲ့ နေရာကို ရှာတွေ့ရန် ရဲများကို ကူညီပေးခဲ့ပါတယ်။ ဒီဖြစ်စဉ်ကတော့ ထိုင်းနိုင်ငံအနောက်မြောက်ပိုင်းမှာ ဖြစ်ပွားခဲ့တာဖြစ်ပါတယ်။ ဆုန်ဆက်ဟာ လွန်ခဲ့တဲ့ ၁၀ နှစ်ခန့်တုန်းကလည်း ၎င်းရဲ့ တတိယမြောက် မိန်းမမွေးတဲ့ ကလေး ၂ ယောက်ကို သတ်ဖြတ်မှုကြောင့် ရဲများက ထပ်မံ တရားစွဲလိုက်ပါတယ်။ တတိယမြောက် မိန်းမကတော့ ဆုန်ဆက်ဟာ သူ့တို့ရဲ့ ကလေး ၄ ယောက်ကို သတ်ဖြတ်ခဲ့ကြောင်း ရဲများကို တိုင်ကြားခဲ့ပြီး ဘယ်မှာ မြေမြှုပ်ခဲ့သလဲဆိုတာကိုလည်း ရဲများကို ပြောပြပါတယ်။

နောက်ဆုံးရသတင်းများ

UFC 300 မှာထိုးသတ်ကြမယ့် တွဲဆိုင်းအားလုံး ဝိတ်တန်းဝင်၊ အပိုဆုကြေးငွေအဖြစ် ဒေါ်လာ ၃ သိန်းအထိ တိုး မြှင့်ပေးသွားမယ်

၁၃၊ ဧပြီ၊၂၀၂၄ Zalen MMA လောကမှာ အကြီးကျယ်ဆုံးအဖွဲ့အစည်းဖြစ်တဲ့ Ultimate Fighting Championship – UFC အဖွဲ့အ စည်းရဲ့ ပွဲစဉ် ၃၀၀ မြောက်ပြည့်တဲ့ရာပြည့်ပွဲ UFC 300 မှာထိုးသတ်ကြမယ့် ဖိုက်တာတွေအကုန်လုံး ...

ဆက်ဖတ်ရန်